Lpilipi 1:20 - Samburu

²⁰ Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Lpilipi 1:20 ပူးပေါင်းရင်းမြစ်များ

Yoana 21:19

Ketiaka ꞉Yeso Petero ana aitodolu mpukunoto e lkiye oye Petero pee eibalunyie nkitoo e Nkai. Kore payie eidip atejo inia, nejoki, <>

Asat 20:24

Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.

Asat 21:13

Nejoki ꞉Paulo, <>

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Rroman 5:5

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 6:19

Kairorita to nkutuk nining'ung'u, tankaraki nirara ltung'ana oaachal. Kore ana ninchooitie apa rubat ee seseni linchi payie eaku rrindiki ee mbaa nemeichiaakino o ne ntorno metaasa ntorrok, enyiaaki sii taata enchoo rubat inchi eaku meitoria ꞉sipata e Nkai payie iakuku sinyat.

Rroman 8:19

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

Rroman 9:33

Ana naigero ajo, <>

1 Lkorinto 15:31

Lalachera o nkanachera ainien, kaatumuto mbaa naajo ewaita matua mparri pooki. Kajoito ana amu kang'idare ntae taatua Kristo Yeso Laitoriani lang.

1 Lkorinto 6:20

Keitama ntae Nkai ntoki nagol nemenyieng'unoi, naaku eyanyita ninye tee sesen linchi.

1 Lkorinto 7:34

naaku kore yieunot e ltau lenye naa keoro. Kore ntomononi tanaa nkoliontoi nemeyama naa mbaa e Laitoriani eirranakino, amu kore yieuna enye naa payie eaku sinyati te sesen o ta ltau. Kake kore ntomononi naema naa mbaa e nkop eirranakino ayiaya neiko teneiting'id lpayian lenye.

2 Lkorinto 10:8

Kore abaki tanaa kaikonyi aaikarrie nkitoria naichoo iyioo Laitoriani maitubulunyie ntae namara nikiarie ntae, madol hoo anyit.

2 Lkorinto 3:12

Naaku kore naa tankaraki nikiata siligi laijo ilo, naaku ikiro meitoki kiurie.

2 Lkorinto 4:10

Kore to ng'oji pooki nikipuo naa ikitumuto tee seseni lang mion natumo apa Yeso payie eri, neibalunyieki sii nkichui enye te nkichon ang.

2 Lkorinto 5:15

Ketanang'a ꞉ninye ltung'ana pooki, paa kore lolo oaata nkichui ng'ejuk nemeitoki aawueni eiting'id ate, kake payie ewueni aaiting'id ilo oatanang'a ninche nepiu tankaraki ninche.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

Lpilipi 1:14

Netumo sii lalachera o nkanachera ang e Kristo kumo nkitieunoto nalikorie lomon le Nkai metii ng'ureticho tankaraki enata ai.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

1 Petero 4:16

Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna.

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.