Lkolosae 4:3 - Samburu

³ Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

Lkolosae 4:3 ပူးပေါင်းရင်းမြစ်များ

Matayo 13:11

Newoliki ꞉Yeso ninche ajoki, <

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

1 Lkorinto 16:9

Amu keatae mpaach tene naasieki siaai sapuk la Laitoriani, netii sii ltung'ana kumo laaibooyo nanu.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

2 Lkorinto 2:12

Kore payie abaki lkerenket le Tiroa alikoo Lomon Supati le Kristo, naa kaatobolakaki nkoitiei naasie siaai la Laitoriani,

Epeso 3:1

Tankaraki inia paa kore nanu Paulo, oena tankaraki nara le Kristo Yeso o tankaraki natilika ntae, ltung'ana lamara loo Lyiaudi Lomon Supati, naomon Papa.

Epeso 3:3

inia kipirte e Nkai naisudoro naaibalakinyieki nanu ana naidipa aigero to ndorropo.

Epeso 3:4

Tinisomsom ana, indimdim aateyielo ning'unoto naata tana bae naisudoro naipirita Kristo,

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Lpilipi 1:19

amu kayielo ajo kore ana, naa kaaicho maatalakuni tankaraki nkomono inchi o reteto naaicho Ltau le Yeso Kristo.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lkolosae 1:26

Kore inia naa mbae e Nkai naisudoyie taa ng'amat o too ntowuon e apa, kake kore taata keibalakinyieki taata sinyat lenyena.

Lkolosae 4:18

Nanu, Paulo oigero ana kirorokino ta nkaina ai makoon. Entaparru enata ai. Metaa munyani e Nkai tenebo o ntae.

1 Ltesalonike 5:25

Lalachera o nkanachera, entoomonoki iyioo.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Pilemon 1:22

Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.