Lkolosae 4:18 - Samburu

¹⁸ Nanu, Paulo oigero ana kirorokino ta nkaina ai makoon. Entaparru enata ai. Metaa munyani e Nkai tenebo o ntae.

Lkolosae 4:18 ပူးပေါင်းရင်းမြစ်များ

Rroman 16:20

Kore te nkini kata, kerrar ꞉Nkai e sotua Chitani taabori nkejek inchi. Metaa munyani e Laitoriani lang Yeso Kristo tenebo o ntae.

Rroman 16:22

Kore sii nanu Tertio oigerito ana palai, naa kairoroki ntae taatua Laitoriani,

Rroman 16:23

neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.

1 Lkorinto 16:21

Kore ana kirorokino naa nanu Paulo oigero ta nkaina ai makoon.

2 Lkorinto 13:14

Metaa munyani e Laitoriani lang Yeso Kristo o nchaman e Nkai Papa o nchula e Ltau Sinyati tenebo o ntae pooki.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

2 Ltesalonike 3:17

Kore ana, naa nkirorokino ai koon, naigero nanu Paulo ta nkaina ai, naa ninye saei lai ta mpalai ake pooki naigero nanu. Nejia chiaake aiko tanaiger.

1 Timoti 6:21

naa kore lbata, netopong'ori aaing'uaa nkurukoto tankaraki nairukurukore inia ng'eno. Metaa munyani e Nkai tenebo o ntae pooki.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

2 Timoti 4:22

Metaa Laitoriani tenebo o iyie, neaku munyani enye tenebo o ntae.

Tito 3:15

Ikiroroki ꞉ltung'ana pooki laaboitiere tene. Roroki sii sotuatin lang le nkurukoto. Metaa munyani e Nkai tenebo o ntae pooki.

Lburania 13:25

Metaa munyani e Nkai tenebo o ntae pooki.

Lburania 13:3

Entaparru lolo ooyena te jila atuwuana ienana o ninche, o lolo ooitamitae sina atuwuana ntae eitamitae.