Lkolosae 4:12 - Samburu

¹² Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

Lkolosae 4:12 ပူးပေါင်းရင်းမြစ်များ

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Luka 1:1

Ketonyua apa ltung'ana kumo aaiger nana baa naaitabayieki taatua iyioo,

Luka 22:44

Naa kore amu kewuon eata mion kitok, neomon oleng. Kore nkinyinyiret enye netuwuanai ana lodo eitong adoki nkop.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

1 Lkorinto 2:6

Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Lgalatia 4:19

Nkera ainien kunini, kaata mion ana ntomononi nasaisai, ana metubulu Kristo taatua ntae.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.

Lkolosae 1:7

Niteyieloutua nenia baa aimu Epaparas, ilo likiasicho tenebo nikicham, nera laisiaayiani oisiligai oisiaai Kristo ta mpaach ang,

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

Lkolosae 4:9

Kelotu ninye o Onesimas lalache lang oisiligai nikicham, nera lobo linchi. Naa keliki ninche ntae lomon pooki le ene ng'oji.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

Pilemon 1:23

Ikiroroki ꞉Epaparas, ilo oteenaki tenebo o nanu tankaraki Laitejeunoni Yeso.

Lburania 5:14

Kake kore ndaa nagol naa noo ltung'ana botoro ootomoo eiteng'en ate aatoor ndedei o sapare.

Lburania 5:7

Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

Yakobo 1:4

Naaku naa, enchoo ng'iriata inchi ebulu katukul, payie iakuku ltung'ana ootubulutua aaiputakino taa mbaa pooki, meatae hoo ntoki nang'oriki ntae.

Yakobo 5:16

Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae. Kore nkomono e ltung'ani loosipat naa keata ngolon oleng.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,