Lkolosae 3:7 - Samburu

⁷ Kore sii apa ntae, naa ichomo tee nkichoni inchi ana lolo tung'ana, inia kata iwuenini taatua nenia ng'ok.

Lkolosae 3:7 ပူးပေါင်းရင်းမြစ်များ

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

1 Lkorinto 6:11

Nejia apake etiu lbata linchi kake keitukoyieki ntae ng'ok, neitisinyaki ntae, neitaaki iyioo loosipat ta nkarna e Laitoriani Yeso Kristo o ta Ltau le Nkai ang.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Lkolosae 2:13

Kore abaki ituata tankaraki ng'ok inchi, neitu emurati mpukunoto inchi torno e tung'ani, eitaa ntae Nkai looichu tenebo o ninye, etapalikaki ntae ng'ok inchi.

Tito 3:3

Amu ikira abaki apa iyioo lmada, nimikining'icho, neitopong'ori iyioo, nikira rrindiki loo ng'uarrat torrok o mbaa kumo naaiting'id seseni. Nikiwuenie nkiba o lom, eibae iyioo nikimbaro.