Lkolosae 3:3 - Samburu

³ Kore ta mbata ee mbaa e nkop, naa ituata apa naa kore taata, keisudoyieki nkichui inchi taatua Nkai tenebo o Kristo.

Lkolosae 3:3 ပူးပေါင်းရင်းမြစ်များ

Matayo 11:25

Kore te inia kata nejo Yeso, <

Yoana 14:19

Kore te nkini kata, maaitoki ꞉nkop adol, kake kore ntae naa ikidoldol. Kore amu kaichu nanu, inchuchu sii ntae.

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 5:21

Naa kore ana naitipiu ꞉Papa lootuata neicho nkichui, naa nejia sii eiko ꞉Nkerai teneicho nkichui lolo oyieu neicho.

Yoana 5:24

<

Yoana 5:40

kake kore eyia naa itanya ipuonunu natii payie itumtum nkichon nemeiting.

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Rroman 6:11

Nejia sii enkuna ntae, enkena ate aajo ituata netalakuaki ntae te nkitoria e ng'oki, kake kore nkichon ninchichu naa nkichon naicho Nkai nkisisa te Kristo Yeso.

Rroman 6:2

Nakaiting'o! Kore ta mbata e ng'oki naa ikituata, metaa merekure eata nkitoria tee iyioo, naaku aji aitoki kinko tinikiwueni taatua ng'ok?

Rroman 8:2

Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.

1 Lkorinto 15:45

Amu kejo Lkigerot Sinyat, <> kake kore Adam le siedi neaku keata mpukunoto e Nkai neichooyo nkichui.

1 Lkorinto 2:14

Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai.

2 Lkorinto 5:14

Naaku nchaman e Kristo naitore iyioo, amu ikitisiputua aajo ketanang'a ltung'ani obo ltung'ana pooki, naaku ketuata ltung'ana pooki.

2 Lkorinto 5:7

Amu to nkurukoto kipuoito iyioo, mara taa mbaa naalioo.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 3:9

nabol ltung'ana pooki nkonyek, meteyielo neikununo kipirte naisudoro e Nkai, inia kipirte naa ꞉ilo oitayia ntokitin pooki ake apeny apa oyielo.

Lpilipi 4:7

Naa kore inia seriani e Nkai narepaa ning'unoto pooki ee ltung'ana, nerrip ltauja o mparrunot inchi taatua Laitejeunoni Yeso.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

Lkolosae 2:20

Amaa, mara ituata apa tenebo o Kristo aaing'uaa nkitanapat ena kop? Oo naa payie intokiki aapik ate taabori nkitanapat naajo, <>, <>, <>, eji atuwuana ewuon ake irara le nkop?

Lkolosae 2:3

Amu te ninye eisudoyieki murdaicho pooki e kursaicho o ne ng'eno.

Lkolosae 3:4

Kore payie eibalunye kenya Kristo oara nkichui inchi, neitokini sii aaibalunyie ntae tenebo o ninye to wong'an kitok.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

1 Petero 3:4

kake enchoo sikar inchi eaku naa ltauja, inia sikar nemelioo nememutari, aa taa ltau oanana nebor, inia taa eiken Nkai ajo toki tekue ninye.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

Mbolunoto 2:17

Kore ilo oata nkiyok, nchoo ening inia najoki ꞉Ltau Sinyati nkanisani. << >>