Lkolosae 3:24 - Samburu

²⁴ amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

Lkolosae 3:24 ပူးပေါင်းရင်းမြစ်များ

Matayo 10:41

Kore pooki ng'ae ong'amaa loiboni le Nkai ajo kera loiboni naa ketum laata e loiboni le Nkai, naa kore long'amaa ltung'ani loosipat ajo kera ltung'ani loosipat, naa ketum laata e ltung'ani loosipat.

Matayo 5:12

Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Matayo 5:46

Amaa, tinichamcham lolo oaacham ntae, nyo laata nitumtum ntae? Amaa, meas echi laitalakunok le kodi nejia?

Matayo 6:16

<

Matayo 6:5

<

Luka 14:14

naaku ikimayiani iyie tankaraki mikindim ninche aatalak. Amu ikilaakini iyie ta nkata naitipiuni loosipat.>>

Luka 6:35

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Asat 20:32

<

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

1 Lkorinto 11:23

Kore inia natang'amayie ta Laitoriani naa ninye aitarasaka ntae, nchere kore Laitoriani Yeso te inia kuarie natilikorieki, nerrapu mukate

1 Lkorinto 3:8

Kore ilo oun lantararai o ilo obukoki nkare naa kerisio tipat enche, nemeata lemelak ꞉Nkai te nkiririkinoto e siaai lenye oataasa.

1 Lkorinto 7:22

Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.

Lgalatia 1:10

Amaa taata, rrepeta ayieita too ltung'ana, ana ta Nkai? Ana ltung'ana anyokita aiting'id? Tanaa apa ltung'ana ewuon aiting'idita, anata duo mara laisiaayiani le Kristo.

Epeso 6:6

Namara ake nkonyek imulmul ana ake loojo payie eiting'id ltung'ana, kake entining ninche ana rrindiki le Kristo, iasias inia nayieu Nkai taa ltauja linchi pooki.

Epeso 6:8

iyielolo aajo kore ake siaai pooki supat oas ltung'ani, pee era rrindik tanaa ltung'ani lemera rrindik, naa kelaaki ꞉laitoriani.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Lburania 10:35

Naaku eminturraa nkiteunoto inchi, amu keyau laata kitok.

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

1 Petero 1:4

nitumtum sii ntae metaa ninchi mayian nemeiting, nemorroyo, nemeichunye, naitaanyutae ntae te chumata.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.