Lkolosae 3:16 - Samburu

¹⁶ Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Lkolosae 3:16 ပူးပေါင်းရင်းမြစ်များ

Matayo 26:30

Kore payie eidip aatarany sinkoliotin, neinyuototo aapuo Lowua loo Lng'erriyio.

Luka 2:51

Nerrinyo Yeso tenebo o ninche adoyio alo ana metabaki Nasaret. Neicho ninche nkanyit, nepik ng'otonye lolo omon pooki ltau lenye.

Yoana 15:7

Kore tiniwuenini taatua nanu newuon rerei lai taatua ntae, naaku kore ntoki pooki niyieuu, entoomonu neichori ntae.

Rroman 10:17

Naaku, kelotu nkurukoto te inia naning'i, naa kore inia naning'i kelotu te likoroto e rerei le Kristo.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

1 Lkorinto 14:15

Naaku kaa sa aas? Kaicho Ltau Sinyati maatirikoi to nkomono, naomon sii taa mparrunot ainien. Naicho maatirikoi ta ranyare, narany sii taa mparrunot ainien.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Epeso 5:17

Naaku naa emiaku lmada, kake entining'u nayieu Laitoriani.

Epeso 5:19

irorie likae likae too sinkoliotin le Nkai o le nkisisa o le nkiyeng'et, iranyakiki Laitoriani taa ltauja linchi,

Epeso 5:26

payie etum aitisinya, eituk ta nkare o te rerei le Nkai,

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

Lkolosae 4:6

Enchoo nkirorot inchi metaa naairirikino nkata pooki nebor, payie iyielouu nijoijo tiniwolikiki pooki ng'ae.

1 Ltesalonike 1:8

Amu kore rerei la Laitoriani, naa ketining'ie eing'uaa ntae, naa mara ake taa mbat e Makedonia o ne Akayia etining'ie, kake ketabayie nkurukoto inchi taatua Nkai ng'oji pooki, metaa meatae abaki mbae nayiere nikintoki iyioo aaponiki.

1 Ltesalonike 4:18

Tankaraki inia, entogoloto naa ltauja linchi too lolo rereii.

2 Ltesalonike 3:15

Naa emiing'or ninye ana lmang'antita, kake eing'odia ana lalache linchi.

1 Timoti 6:17

Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

2 Timoti 3:15

niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso.

Tito 3:6

ilo oichoo iyioo Nkai te leng'on kitok aimu Yeso Kristo, Laitejeunoni lang.

Yakobo 1:5

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 5:13

Keatae lonyamal taatua ntae? Enchoo eomon. Keatae long'ida? Enchoo erany sinkoliotin le nkisisa.

1 Yoana 2:14

Naigeroki ntae loo papa, amu iteyieloutua ilo otii ta ng'asunoto. Naigeroki ntae lbarnot, tankaraki igolgol, netii rerei le Nkai atua ntae, nitimira ilo torno.

1 Yoana 2:24

Enchoo metaa kebik inia nitining'o ta ng'asunoto taatua ntae. Amu kore tenebik inia taatua ntae, naa ibikbik sii ntae taatua Nkerai o taatua Papa.

1 Yoana 2:27

Kore naa ntae, kemanya Ltau Sinyati atua ntae, ilo litang'amaitie apa payie eel ntae ilo Sinyati, nimiyieuu hoo neiteng'en ntae likae. Kake kore ana naiteng'en ntae Ltau Sinyati naipirita mbaa pooki, nera nkiteng'ena enye ndedei namara sapare, keiteng'ena sii ntae nchere payie iwuenini taatua ninye!

2 Yoana 1:2

nikicham ninche tankaraki ndedei nawuon taatua iyioo, netii tenebo o iyioo ntarasi.

Mbolunoto 14:3

Nerany ninche sinkolio ng'ejuk tekue lorika le nkitoo le Nkai o tekue naaduo tokitin ong'uan naaichu naatuwuana ng'uesi o tekue lolo payiani kutuaa. Meatae ltung'ani oidima ateyielo ilo sinkolio mara ake lolo tung'ana 144,000 ooitejewuaki to nkop.

Mbolunoto 15:3

neranyita sinkolio otuwuana otaranya apa laisiaayiani le Nkai oji Musa, aaranyaki Lkuo leker ejo, <

Mbolunoto 19:10

Narriakino nkejek enyena asai, kake naajoki, <>

Mbolunoto 5:9

Nerany sinkolio ng'ejuk ejo, <