Lkolosae 2:8 - Samburu

⁸ Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

Lkolosae 2:8 ပူးပေါင်းရင်းမြစ်များ

Matayo 10:17

Entirrip ate too ltung'ana, amu keya ntae nkiguanaitin enche, neidong ntae tee Sinagogini enche.

Matayo 16:6

Nejoki ꞉Yeso ninche, <>

Matayo 7:15

<

Asat 17:18

Keatae apa ltung'ana ooimaki chiaake ndedei naipirita nkichon o mbaa e nkop oowueni aaiguana o Paulo. Keji lkulikae Epikureani neji lkulie Sitoik. Kore apa Paulo naa kelikorita Lomon Supati le Yeso o mpiunoto taatua lootuata. Nejo lkulie lenche, <> Neitoki lkulikae aajo, <>

Asat 17:32

Kore payie ening ꞉ninche Paulo eimakita mbaa naipirita mpiunoto taatua lootuata, neikordod lkulikae lenche kake nejo lkulie, <>

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

1 Lkorinto 10:12

Naaku kore ilo ojo keitache aipidaki, oi edol koon payie merria.

1 Lkorinto 8:9

Errita naa ate oleng payie meaku ake ꞉inia lakunoto inchi ninyiayieyie ndaa naitarruo lolo oaachal to nkurukoto.

2 Lkorinto 10:5

nemeatae nkilacha nailiepunyie koon aibooyo ltung'ana payie meyielou Nkai, nimikindakie. Nemeatae inia naparraa ltung'ani nimikumbung, metining'o Kristo.

Lgalatia 1:14

Nalo kue taatua nkurukoto ee Lyiaudi alang risere ai pooki, naibung lkuak loo lmakui alang ninche.

Lgalatia 4:3

Naa nejia sii apa etiu tee iyioo, kore kira nkera naa keitaaki iyioo rrindiki lo nkitanapat ena kop.

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

Lgalatia 5:15

Tinionyanya, nirara maate, entodol naa emindakie ate.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 4:20

Kake kore ntae meyiere niwuenini aaiko nejia amu iteyieloutua netiu Kristo.

Epeso 5:6

Emincho hoo esap ntae ltung'ani tee rereii oorok, amu tankaraki ee mbaa naijo kuna etum ꞉ngoro e Nkai ltung'ana lemening'icho.

Lpilipi 3:2

Entirrip ate too lolo dein, lolo aasak loo ntorrok, lolo adung'ok le sesen oojo meata ajo memurati ntae payie iakuku ltung'ana le Nkai.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Lkolosae 2:20

Amaa, mara ituata apa tenebo o Kristo aaing'uaa nkitanapat ena kop? Oo naa payie intokiki aapik ate taabori nkitanapat naajo, <>, <>, <>, eji atuwuana ewuon ake irara le nkop?

Lkolosae 2:22

Kore kuna tokitin pooki naa keichunye ake teneidipi aatam, naa mbaa ake nenia e lkerreti o nkiteng'ena ee ltung'ana.

Lkolosae 2:23

Kore kuna kitanapat naa inji ake etuwuana ana ng'eno, kake meiririkino nkanyit, keti ake aaitabaya inia nayieu ltung'ani. Kore inia naa nkoitiei ake nadol ltung'ana maate aajo keisupat, ejo eji nejia eikoni teneurieini Nkai, tenewuon eitodoyio koon, neiteme sesen.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

Lburania 3:12

Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu.

1 Petero 1:18

Eitu eitami ntae ropiyiani tanaa masaa naaichunye, aalakunyie taa mbaa inchi nemeata tipat naaitarasakita ntae lmakui linchi,

2 Petero 3:17

Naaku naa, lacham lainien, kore amu iyielolo ana ewuon eitu easai, errita ate payie meitopong'oo ntae nkiteng'ena e sapare ee lolo aitarruok, nirria aaing'uaa nkitachoto inchi.

2 Yoana 1:8

Errita ate payie miminienie inia nikitonyuaa aas, kake oi payie elaakini ntae ebore.