Lkolosae 2:7 - Samburu

⁷ ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

Lkolosae 2:7 ပူးပေါင်းရင်းမြစ်များ

Luka 6:48

Kore ninye, naa ketiu anaa ltung'ani ochet nkaji, netur nkop metuguto, nepik lkitamanyunoto lenye nkeper e ndadapoi. Kore payie enang'unye nkare nenang inia aji, kake meigusugusie amu ketechetaki aaitogol.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

2 Lkorinto 1:21

Amu Nkai naitogol ntae o iyioo payie ikimbung'are Kristo.

Epeso 4:21

Itining'o apa lomon lenyena neiteng'enaki ntae mbaa naipirita ninye ana netiu ndedei taatua Yeso.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

1 Ltesalonike 5:18

Kore taatua mbaa pooki, enchoo Nkai nache, amu inia eyiewuoki ninye ntae taatua Kristo Yeso.

2 Ltesalonike 2:17

naa meitogolo ltauja linchi, neitacheyie ntae taatua asat o rerei pooki supat.

Lburania 13:15

Naaku kore aimu Yeso, maitaki naa Nkai lasar le nkisisa nkata pooki, kimbalie nkarna enye too nkutukie aang.

Lburania 13:9

Emincho eitopong'oo ntae mbaa kumo naapaachere nkiteng'ena ang. Keichiaakino metaa munyani e Nkai etumie ltauja lang ngolon, mara nkibung'ata ee nkitanapat naaipirita ndaa nemeret abaki lolo ooirukurukore nenia kitanapat.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Yuda 1:12

Kore kulo tung'ana naa soito oopi ooricho le atua nkare. Lolo laa kore too sukukuuni linchi nedaa tenebo o ntae meata nkanyit, aa ate aapeny eing'or. Kera nkidis nemecha naya siwuo, nera sii lkeek lemeata lng'anayio nkata e ndung'ore, ootuata katare netodotunyie taa ntana.

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,