Lkolosae 2:5 - Samburu

⁵ Kore abaki matii nanu tenebo o ntae te sesen, katii tenebo o ntae ta ltau, ang'ida tanadol ntae intachoo to nkurukoto nadupa taatua Kristo.

Lkolosae 2:5 ပူးပေါင်းရင်းမြစ်များ

Asat 2:42

Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

Asat 20:21

aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso.

1 Lkorinto 11:34

Naa kore tanaa keatae lobo linchi oata sumach, nchoo enya ndaa ta nkang enye payie mipikpik ate atua nkiguana e Nkai tinitumomo tenebo. Kore nkulie baa naa kaitaarriyian kenya ntae tanalotu nitii.

1 Lkorinto 14:40

kake entaas ntoki pooki aaiririki o to nkoitiei naichiaakino.

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

Lkolosae 2:1

Kayieu niyielouu newua nyuata nanyokita nanu tankaraki ntae o lolo otii Laodikea o lolo pooki leitu aikata aadol nanu.

1 Ltesalonike 2:17

Lalachera o nkanachera, kore apa payie eorieki iyioo ntae te nkiti kata, aa tee seseni namara taa ltauja, kitonyuaa oleng tankaraki nikitong'uarra payie kitumo nikidol ntae nkomomi.

1 Ltesalonike 3:8

Naa ikitopuaa taata kining'ito aajo intachoo aaipidaki taatua Laitoriani.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 6:19

Ikiata ele siligi laa ltauja lang errapa neisiligai, netuwuana lgiitani ooenikino senkei nkue naenieki meli payie meya nkare. Kore ilo siligi naa keuno to Ng'oji sinyati naaisul pooki, te idia alo inia anka naor apa ng'oji sinyati o ng'oji sinyati nalang pooki ta nkaji e Nkai,

1 Petero 5:9

Emboi ninye, mingusgus taatua nkurukoto ang. Iyielolo naa aajo ketipikaki lalachera o nkanachera inchi to nkop pooki, mbaa e sina naatuwuana kuna.