Lkolosae 2:4 - Samburu

⁴ Najo kuna payie meata ltung'ani osap ntae tee rereii oomelok le sapare.

Lkolosae 2:4 ပူးပေါင်းရင်းမြစ်များ

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Matayo 24:4

Newoliki ꞉Yeso ajoki, <

Marko 13:22

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

Asat 20:30

Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

Epeso 5:6

Emincho hoo esap ntae ltung'ani tee rereii oorok, amu tankaraki ee mbaa naijo kuna etum ꞉ngoro e Nkai ltung'ana lemening'icho.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

2 Timoti 2:16

Topong'o mbaa naanya ltung'ana nemeata tipat, amu kore lolo pooki otii atua nenia baa naa keitalam ate Nkai oleng.

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

1 Yoana 2:18

Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.

1 Yoana 2:26

Kaigeroka naa ntae kuna baa aparru lolo oonyokita aaitopong'oo ntae.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Mbolunoto 13:8

Kore ltung'ana pooki oaamanya nkop nesai ninye, lolo leitu eigeri apa nkarn enche ewuon eitu eitamanyuni nkop to mbuku ee lolo oaata nkichui ee ntarasi, inia buku e Lkuo leker otaraki apa metua.

Mbolunoto 20:8

Nelotu ninye asap lochon pooki le nkop. Kore lolo ochon naa keji Gog o Magog, ooing'uaa lubot pukura ong'uan e nkop. Naa keiturrurru meotu aanya larrabal, nera njore kitok nemeikenai ana sunyai le nkop.