Lkolosae 2:2 - Samburu

² Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lkolosae 2:2 ပူးပေါင်းရင်းမြစ်များ

Matayo 11:25

Kore te inia kata nejo Yeso, <

Matayo 11:27

Kaaitarasaka Papa lai ntoki pooki, apik nkaina. Meatae hoo ꞉loyielo Nkerai mara Papa ake, nemeata sii ꞉loyielo Papa mara lolo oaatachama ꞉Nkerai aibalakinyie.

Matayo 13:11

Newoliki ꞉Yeso ninche ajoki, <

Luka 1:1

Ketonyua apa ltung'ana kumo aaiger nana baa naaitabayieki taatua iyioo,

Yoana 10:30

Kore nanu o Papa, naa nabo kira.>>

Yoana 10:38

Naa tanaa kaasita, abaki tanaa mikirukuruk nanu, eruko nenia asat payie eyielouu, nining'ung'u aajo ketii Papa atua nanu, natii nanu atua Papa.>>

Yoana 16:15

Kore pooki naata ꞉Papa naa nainien, naaku inia payie atejo keng'amaa Ltau Sinyati nenia baa ainien, neibalakinyie ntae.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 5:17

Nejoki ꞉Yeso ninche, <>

Yoana 5:23

payie eyanyit ꞉pooki Nkerai ana neiko teneyanyit Papa. Kore pooki ng'ae lemeyanyit Nkerai, naa meyanyit abaki Papa oirriwua ninye.

Yoana 6:69

Kore iyioo, naa ikiruko, nikiteyielo nchere, iyie ilo Sinyati le Nkai.>>

Asat 4:32

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

1 Lkorinto 14:31

Iatata pooki mpaach nimbonichiere, kake embonicho ma obo obo payie itumtum nkiteng'ena neitogoli ltauja le pooki ng'ae.

1 Lkorinto 2:12

Eitu naa king'amaa iyioo ltau oaata ltung'ana le nkop, kake Ltau Sinyati ooing'uaa Nkai payie kitum aateyielo nenia baa /naichoo iyioo Nkai pecheu.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 3:3

inia kipirte e Nkai naisudoro naaibalakinyieki nanu ana naidipa aigero to ndorropo.

Epeso 6:22

Kaipaawua ꞉nanu ninye nitii tankaraki ana, payie itumtum lomon lang o payie etum sii ninye aitogolo ltauja linchi.

Lpilipi 2:1

Kore tanaa kitogolito tankaraki nikimbung'are Kristo, neitogolo ltauja lang ꞉nchaman enye, nikiata nchula e Ltau Sinyati, nikiata nanai e nkocheke o lng'ur too lkulie,

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Lkolosae 1:26

Kore inia naa mbae e Nkai naisudoyie taa ng'amat o too ntowuon e apa, kake kore taata keibalakinyieki taata sinyat lenyena.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.

Lkolosae 3:14

Entoponiki kuna pooki nchaman, naa ninye naen ntoki pooki tanaboicho katukul.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

Lkolosae 4:8

Kore payie aterewua ninye nitii, naa payie iyielouu nikitiu iyioo netum sii ninye aitogolo ntae ltauja.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 10:22

Naaku matinyikaki naa Nkai ta ltau odede kiata sipata ee mbaa nikiruko, neitukoyieki mbaa pooki torrok nikimusoo aajo kintarruoitie to lodo le Kristo neitukoki seseni lang ta nkare jirlil.

Lburania 6:11

Kore nikiyieu oleng, naa metaa meatae hoo lobo linchi lemeitodolu ake inia nyuata payie kimbung ilo siligi odede likiata, ana metabai katukul te nkiting'oto.

2 Petero 1:10

Kore naa tankaraki ana lalachera o nkanachera, mbae e tipat abaki oleng tininyoknyok aasipaki ate nchere keipoto netegelua ntae Nkai, naa kore tiniasias kuna, nimirriaa aikata.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

1 Yoana 3:19

Kore tinikicham lkulie, nikiyielou aajo ikira le ndedei. Tana oitiei kincho ltauja lang metaa meata ngureticho tekue Nkai,

1 Yoana 5:7

Naa Ltau Sinyati olimu sipat, amu kore ilo Ltau naa ndedei.