Lkolosae 1:29 - Samburu

²⁹ Naa kore payie etum inia atabai, kanyokita oleng to ngolon enye naasicho taatua nanu.

Lkolosae 1:29 ပူးပေါင်းရင်းမြစ်များ

Luka 13:24

<

Rroman 15:20

Naaku katumuta apa ajo malikoo Lomon Supati to ng'oji neyieloi Kristo, payie machet neitamanyua ꞉likae.

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

1 Lkorinto 12:11

Kake Ltau Sinyati obo ake oaas inia pooki, aicho ltung'ana nkichoorot ana nayieu ninye.

1 Lkorinto 12:6

Neatae nkoitieii naapaapaacha naasie Nkai siaai, kake inia Ai nabo ake naas nenia pooki taatua iyioo pooki.

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 13:3

Mapal naa ntae tankaraki iyieuu sipsip nchere, keiro Kristo taatua nanu. Mechal Kristo teneoch tanaa teneret ntae, kake keata ngolon taatua ntae

2 Lkorinto 5:9

Naaku kore nalus too pooki, ikiyieu nikinting'id ninye kiata kulo seseni lang oo mikiata

2 Lkorinto 6:5

Iking'iri sii iyioo ana laisiaayiak le Nkai teneidong'i iyioo neeni te jila o tenetum iyioo lturrurri loo ltung'ana ooricho o tinikinyok aas siaai te nkinyinyiret o tinikilau njuo o tinikiata sumach.

Epeso 1:19

o nowua ngolon enye nemeata lnyanyukie naasicho too iyioo ooiruko. Kore inia golon naa ngolon e nkidimata enye kitok,

Epeso 3:20

Kore ilo oidim ataasa to ngolon enye naasicho taatua iyioo mbaa kutuaa naalang nikindim iyioo aatoomonu tanaa aataparrai,

Epeso 3:7

Naaichoo nanu ꞉Nkai to munyani enye mataa laisiaayiani loo kulo Omon Supati to ngolon enye naasicho.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 1:30

Naa iimaritata ilo arrabal apake litoduaa anyeita, nining'itoto sii taata aajo kanyaita.

Lpilipi 2:13

Amu Nkai naasicho taatua ntae aicho ntae yieuna o nkidimata payie eitabari inia nayieu ninye.

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.

Lkolosae 2:1

Kayieu niyielouu newua nyuata nanyokita nanu tankaraki ntae o lolo otii Laodikea o lolo pooki leitu aikata aadol nanu.

Lkolosae 2:12

Kore ana muratare naa ketaase apa payie eipatisi ntae, nenukari ntae inia kata o ninye te nkipatisa, neitipiuni aitoki ntae o ninye aimu nkurukoto te inia golon e Nkai naitipiwua ninye too lootuata.

Lkolosae 4:12

Neiroroki sii ntae ltung'ani linchi oji Epaparas, oara laisiaayiani le Kristo Yeso. Kenyokita ninye nkata pooki tankaraki ntae to nkomono enye, payie itumtum aaitacho irara lemeata ntioto, niatata sipata ee mbaa pooki naayieu Nkai.

1 Ltesalonike 2:9

Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.

2 Ltesalonike 3:8

Kake kore siaai likitaasa, naa ikitaasa kuarie o parkiji to nyuata o te nkinyinyiret, payie mikiaku nkirochi taa ntae.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Lburania 12:4

Kore inyaitata larrabal aaibooyo ng'ok, ewuon naa eitu imbooyoyo ana meibukori ntae lodo.

Mbolunoto 2:3

Iting'iria sina tankaraki nanu, neitu inaururu.