19 amu ketachamayie Nkai ajo kemany atua ninye katukul.
Kore te inia kata, neiput Yeso ꞉ng'ida e Ltau Sinyati nejo, <>
Naa kore amu kebore ninye munyani o ndedei, ikitang'amaitie sii munyani ejing mpaach e nkae munyani te inia kuputakinoto enye.
Amu kore ilo oirriwua Nkai, neiro rerei le Nkai, neichoo ninye Ltau Sinyati te risoroto nemeiting.
Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.
Nkanisa nara sesen lenye, inia naaiput ꞉ninye neiput sii pooki toki taatua pooki.
Meisisi Nkai nara menye Laitoriani lang Yeso Kristo, ilo oatamayiana iyioo taatua Kristo tee mayianat pooki e Ltau Sinyati naaing'uaa chumata.
Kore te nchaman enye, negelu apake iyioo, neitaa nkera enyena aimu Yeso Kristo. Keiririkino apa inia yieuna enye supat,
Kore ilo laa ninye otodoyie alo lodo le nkop, naa ninye ake aitoki oiliepa arepaa keper e keper pooki, payie etum ninye ataa meata nemetii.
Amu te ninye eisudoyieki murdaicho pooki e kursaicho o ne ng'eno.
Amu kemanya Nkai atua ninye katukul apa era ninye ltung'ani oata sesen,
Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!
