Lkolosae 1:11 - Samburu

^11-12 Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

Lkolosae 1:11 ပူးပေါင်းရင်းမြစ်များ

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

Lpilipi 4:13

Kaidim ataasa nenia baa pooki atii atua Kristo laaicho ngolon.

2 Petero 1:6

niponikiki yielounoto e rerei le Nkai nkubooroto e koon, niponikiki nkubooroto e koon ng'iriata, niponikiki ng'iriata uriata e Nkai,

Yuda 1:25

ilo laa ninye oara Nkai aang nabo, nera Laitejeunoni lang taatua Yeso Kristo, nenye nkisisa o nkitoria o ngolon o nkitoo, apake eitu eitibiri nkop o taata o ntarasi! Aamin.

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>