Lkolosae 1:10 - Samburu

¹⁰ nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

Lkolosae 1:10 ပူးပေါင်းရင်းမြစ်များ

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 15:8

Kore tinitumtum lng'anayio kumo niakuku looiteng'eni lainien, netum Papa lai nkisisa.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

Rroman 4:12

Neitaae sii papa loo loomurata, lolo lamara ake kemurata, kake looibung'aa sii rriata le nkurukoto naata apa papa lang Abraam ewuon memurata.

Rroman 6:4

Kore te nkipatisare naa ketunukayieki apa iyioo tenebo o ninye, nikiye paa kore ana naitipiwuaki Kristo to ngolon e nkitoo e Papa, nikitum sii iyioo aatewueni taatua nkichon ng'ejuk.

2 Lkorinto 2:14

Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 5:9

Naaku kore nalus too pooki, ikiyieu nikinting'id ninye kiata kulo seseni lang oo mikiata

2 Lkorinto 9:8

Naa keidim Nkai aichoo ntae munyani pooki nalang inia niyieuu, paa kore taa mbaa pooki nkata pooki, naaku iatata inia naitiemu ntae katukul, niatata nalekunye nindimdim aataasie siaai pooki supat.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Epeso 4:13

ana matum pooki naboicho e nkurukoto o ne yielounoto e Nkerai e Nkai, nikibulu tenebo aabotoru ana matitiu katukul ana netiu Kristo.

Epeso 5:10

Enchom inyoknyok aaing'oru inia naiting'id Laitoriani.

Epeso 5:15

Eng'ura oleng ninkunariri to lototo inchi, mara ana ltung'ana oaamada kake ana ltung'ana ng'eni,

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.

Lkolosae 2:6

Kore itang'amaitie Kristo Yeso aajo ninye Laitoriani, entewueni naa taatua ninye,

Lkolosae 3:20

Nakera, entining ntoiwuo inchi taa mbaa pooki, amu keiting'id inia Laitoriani.

Lkolosae 4:5

Entewueni te ng'eno o ltung'ana lamara le Kristo, iasicherere nkata aaitibiraki.

1 Ltesalonike 2:12

Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

2 Timoti 2:4

Meatae hoo sikarii oti siaai oirrana aas lkulie siaaitin lamara ake ilo oigerokaki. Amu kore nayieu ninye naa payie eiting'id ilo kitok lenye.

Tito 3:1

Ntaparru ltung'ana le nkanisa meeitodou ate too lolo ooitoricho o loaata nkitoo nening sii ninche, nerretena aas ntoki pooki supat.

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

Lburania 11:5

To nkurukoto eiliepieki Enok aaya eitu eichamcham lkiye, neitu eitokini aadol amu keiliepie ꞉Nkai ninye aya chumata. Naaku kore eitu eiliepieki ninye, keterrepaki aajo keiting'ida Nkai.

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

1 Yoana 3:22

nikitum pooki nikiomon Nkai amu ikimbung nkitanapat enyena nikias naiting'id ninye.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

3 Yoana 1:6

Keitabakita ꞉ninche nkanisa nchaman ino. Ntaasa ninche supati intanap aicho ntoki pooki nayieu to nkoitiei epuoito. Kore inia naa keichiaakino teneasi ta Nkai.