Lgalatia 6:8 - Samburu

⁸ Amu kore ilo oun payie eiting'id mpukunoto enye torno, nedung te inia pukunoto enye torno lkiye laa ntarasi. Kake kore ilo oun payie eiting'id Ltau Sinyati, nedung ta Ltau nkichon ee ntarasi.

Lgalatia 6:8 ပူးပေါင်းရင်းမြစ်များ

Matayo 19:29

Naa kore pooki ng'ae otung'ayie nkajijik anaa lalachera anaa nkanachera anaa papa lenye anaa ng'otonye anaa nkera anaa lchampai, tankaraki nanu naa keng'amaa nkatitin ip alang naatung'ayie apa, nejung nkichon nemeiting.

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>

Luka 18:30

lemeng'amaa nkatitin kumo taatua ana ng'amata alang natung'ayie apa. Naa kore aitoki ta ng'amata nalotu, neng'amaa nkichon ee ntarasi.>>

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 4:36

Kore abaki taata, ketumuto loodung'uto lchampa laata, ebosuta lng'anayio le nkichon ee ntarasi, metaa kore ilo oun o ilo odung lchampa neng'ida tenebo.

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

Rroman 8:6

Amu kore natum ilo oitore ꞉mbaa e mpukunoto torno e ltung'ani naa lkiye, kake kore natum ilo oitore ꞉mbaa e Ltau Sinyati naa nkichui o seriani.

1 Lkorinto 15:42

Nchi naa etiu teneitipiu Nkai lootuata metumo nkichui. Kenukari seseni lang oomutari to nkop tinikiye kake keitipiuni era lememuta metumo nkichui.

Lgalatia 6:7

Emincho esapi ntae, amu mesapai Nkai. Kore inia natuuno ltung'ani naa ninye edung.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

Yakobo 3:18

Naa kore lantarara le sipata, naa keuni te seriani taatua lolo oaacham seriani.

2 Petero 2:12

Kedekicho kulo tung'ana taa mbaa nemeyielo. Naaku inji ake etuwuana ninche ana ng'uesi naatiwuaki ake payie eibung'i neri metuata, nemeitoki eparraa kake kemuso ake apeny. Kore ana naar ltung'ana ng'uesi metuata, kemut Nkai kulo tung'ana.

2 Petero 2:19

Kejoki ꞉ninche ltung'ana keata lakunoto naasie ntoki pooki nayieu neas, nera ninche maate rrindiki ooitore ꞉mbaa e anyit naamut kenya ninche. Amu kera ltung'ani rrindik le ntoki pooki namir ninye, neitore.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

Mbolunoto 22:11

Kore ilo torno, nchoo elo kue eas ntorrok, kore ilo aitarruoni, nchoo elo kue aaku laitarruoni, kore loosipat nchoo elo kue eas sipat, nincho ilo sinyati elo kue eaku sinyati.