Lgalatia 6:1 - Samburu

¹ Lalachera lainien, tenerriaakino lobo linchi ng'oki, kore ntae oara botoro taatua nkichon e Ltau Sinyati, embung'a ninye nirrinyokiki atua mbaa supati to mborron. Nirrita sii koon payie mirriakino atua ntemat.

Lgalatia 6:1 ပူးပေါင်းရင်းမြစ်များ

Matayo 11:29

Entipik ate lororoi lai, nikinteng'enarere nanu, amu kabor nanu ta ltau, naanana ocheke, naa itumtum ntae nkiyeng'iyeng'ata ee nkurruki inchi.

Matayo 26:69

Kore te inia kata newuon Petero to boo e nkaji. Nelotu nkaisiaayiani nabo neti nejoki, <>

Matayo 26:75

Neparru Petero ilo rerei apa oiroro Yeso nchere, <> Neipung aulo, neichir te mion.

Matayo 9:13

Kake enchom enteng'enare kipirte e ele rerei le Nkai: <>

Rroman 14:1

Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino.

Rroman 15:1

Kore iyioo oogol to nkurukoto, keichiaakino tiniking'iri nchalan ee lolo oaachal, namara ake payie kinting'id ate.

Rroman 8:6

Amu kore natum ilo oitore ꞉mbaa e mpukunoto torno e ltung'ani naa lkiye, kake kore natum ilo oitore ꞉mbaa e Ltau Sinyati naa nkichui o seriani.

1 Lkorinto 10:12

Naaku kore ilo ojo keitache aipidaki, oi edol koon payie merria.

1 Lkorinto 14:37

Kore ltung'ani pooki ojo kera loiboni le Nkai tanaa loata nkichooroto e Ltau Sinyati, enchoo eyielou ajo kore inia naigerokita ntae naa nkitanapata e Laitoriani.

1 Lkorinto 2:15

Kore ltung'ani oaata Ltau le Nkai nesipu mbaa pooki, kake meatae loidim atisipu ninye.

1 Lkorinto 3:1

Kore sii apa nanu lalachera o nkanachera ainien, mairorie ntae ana ltung'ana ooirukurukore Ltau le Nkai, kake kairorie ntae ana ltung'ana ooirukurukore mpukunoto enche torno, nairorie ana nkera kunini neitu ebulu taatua Kristo.

1 Lkorinto 4:21

Kaa iyieuu too kuna? Kalotu nitii aata ng'udi tanaa te nchaman o ta ltau le mborron?

1 Lkorinto 7:5

Emiany iboitata te sesen mara ake nkata nitachamaitie pukura aany inia tankaraki niyieuu payie itumokiki nkomono. Nintokiki taa ake aaku tenebo payie metem ntae Chitani tankaraki nimiatata nkibooroto e ate.

2 Lkorinto 10:1

Kejo lkulikae linchi, <> Kaomon naa nanu ꞉Paulo ntae to mborron o to supaticho e Kristo,

2 Lkorinto 2:7

Kake kore naa taata keichiaakino payie ipalikiki nirretenten ninye payie minchocho metanyamala oleng ana meture katukul.

2 Lkorinto 2:8

Kore tankaraki inia naa kaitaarriyian ntae payie ichamaa aaitodol ninye aajo ichamcham.

Lgalatia 5:23

o mborron o nkubooroto e koon. Meatae nkitanapata naibooyo kuna.

Lgalatia 6:18

Lalachera lainien, metowuana munyani e Laitoriani lang Yeso Kristo taatua ltauja linchi. Aamin.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

2 Ltesalonike 3:15

Naa emiing'or ninye ana lmang'antita, kake eing'odia ana lalache linchi.

2 Timoti 2:25

Kore lolo lemeyieu mbaa enyena, neichiaakino payie eiteng'en ninche to mborron, ejo kebaki neicho ꞉Nkai ninche munyani enye meibelekenyata aayielou ndedei,

Lburania 12:13

Entoriori eima nkoitieii naaipida, payie merriaa ltardoi, kake payie eichiunyieki.

Lburania 13:3

Entaparru lolo ooyena te jila atuwuana ienana o ninche, o lolo ooitamitae sina atuwuana ntae eitamitae.

Yakobo 3:13

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

1 Petero 3:15

Kake enkena taa ltauja linchi aajo keisinyati Kristo, oara sii Laitoriani linchi, nirretenana payie iwolikiki pooki ng'ae oipar ntae ajo nyo eitacheyie siligi linchi.

1 Yoana 5:16

Tenedol ꞉ltung'ani lalache lenye eas ng'oki nemeorie ninye Nkai ntarasi, keyiere neomonoki, naa keicho ꞉Nkai lolo oas nenia ng'ok nkichon nemeiting. Keatae ng'oki naor ltung'ani o Nkai ntarasi, namajo metoomonokini inia.