Lgalatia 5:22 - Samburu

²² Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Lgalatia 5:22 ပူးပေါင်းရင်းမြစ်များ

Matayo 12:33

<

Luka 13:9

Naa tenejing lng'anayio elde ari olotu naaku keisupat, kake teneitu ejing nidung.> >>

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Yoana 15:5

<

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 15:3

Amu kore abaki Kristo naa eitu eiting'id koon, kake keigero ajo, <>

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

Rroman 7:4

Lalachera o nkanachera, nejia sii itiuu ntae. Kore ta mbata ee nkitanapat, naa ituata eitutumokaki ntae sesen le Kristo, payie eaku merekure irara loo nkitanapat kake itaa le likae, le ilo otipiwua taatua lootuata payie kitum aaiting'ida Nkai.

Rroman 8:5

Amu kore lolo ooirukurukore naayieu mpukunoto torno naa nenia baa e mpukunoto torno enche eparraa. Kake kore lolo ooirukurukore mbaa naayieu Ltau Sinyati, naa nenia baa e Ltau Sinyati eparraa.

1 Lkorinto 13:13

Naaku taa kebik kuna uni, nkurukoto o siligi o nchaman. Naa kore nalang pooki naa nchaman.

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Epeso 4:23

Neiteng'en ntae embelekenya ninkoko tinidoldol mbaa,

Epeso 5:9

Amu kore wong'an naa keiu mbaa pooki supati o mbaa ee sipat o mbaa naadede.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

2 Ltesalonike 3:2

Niomonono sii, payie elakuni iyioo too ltung'ana oaas nemeichiaakino o ltorrok, amu mara pooki oaata nkurukoto.

1 Timoti 3:11

Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 1:8

Itachama ntae ninye abaki eitu idoldol, niruko abaki midolitata taata, neiputa ntae ng'ida kitok nemelimunoi

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!