Lgalatia 5:20 - Samburu

²⁰ o sayiata ee nkaitok e sapare o nkurupore o mang'antiticho o nchankar o lom o ngoro o nchaman e koon o oro taatua lturrur o oro ee lturrurri

Lgalatia 5:20 ပူးပေါင်းရင်းမြစ်များ

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

2 Lkorinto 11:19

Kore amu irara ntae ng'eni oleng, naaku itachamaitie aang'iri lmada!

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

Lgalatia 5:15

Tinionyanya, nirara maate, entodol naa emindakie ate.

Tito 3:10

Kore ltung'ani oyeu nkiteng'ena e sapare, ng'odia ninye nkata ekue o ne are, naa kore tenelo kue te inia, timirai ninye,

Yakobo 3:14

Kake kore tiniatata lom torno nirara ltung'ana laa ne maate ake enya, emiinkar ake nisapsap ate aajo kebaki neatae ndedei niatata.

2 Petero 2:1

Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.

1 Yoana 3:15

Kore pooki oiba lalache lenye naa loar metua, naa iyielolo sii ntae aajo kore loar metua naa meti nkichui ee ntarasi atua ninye.

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>