Lgalatia 5:11 - Samburu

¹¹ Lalachera, amaa, tanaa ewuon alikorita apa mbaa e muratare payie aaikenakini sipat, aanyo naa pee ewuon aaitamitae sina? Kore tanaa kalikorita ana, anata merokure era lmusalaba nkubooroto.

Lgalatia 5:11 ပူးပေါင်းရင်းမြစ်များ

Asat 16:3

Naa kore amu keyieu apa Paulo nelo o Timoti, nemurat tankaraki Lyiaudi otii nenia bat, amu keyielo aajo kore papa lenye naa loo Lgirriki.

Asat 21:21

Neitabakaki iyioo lomon likimpirita eji kore iyie naa inteng'en Lyiaudi pooki otii nkopi ee lkulie oreren payie eing'uaa nkitanapat e Musa, ijoki payie memurat nkera enche tanaa eirukurukore lkerreti loo Lyiaudi.

Asat 21:28

Nebuak aajo, <>

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

1 Lkorinto 1:23

Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi.

1 Lkorinto 15:30

Oo iyioo, aanyo payie kipik ate atua larrabal nkatitin pooki?

Lgalatia 2:3

Kake kore abaki Tito otii tenebo o nanu, neitu eisimakini metumurati, oo duo era ninye loo Lgirriki.

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 4:29

Kore apa te inia ng'amata, neitam ꞉ilo ayieni otiiwuaki to nyuata ee ltung'ana sina ilo otiiwuaki to nkoitiei e Ltau Sinyati. Kore ana netiu apa, naa nejia siake etiu taata, kore lolo ootiiwuaki to nyuata ee ltung'ana, naa keitam sina lolo ootiiwuaki ta Ltau.

Lgalatia 6:12

Kore lolo ooyieu neilachie nenia mbaa e sesen, neisimaki ntae muratare, naa keas ake inia payie meitami ninche sina tankaraki lomon lo lmusalaba le Kristo.

Lgalatia 6:17

Naa kore ang'asu taata, enchoo metaa meatae ltung'ani laaitanyamal, amu kaata nanu lminchiria latumo tankaraki Yeso te sesen lai.