Lgalatia 4:5 - Samburu

⁵ payie elaku lolo ootii taabori nenia kitanapat, pee kiaaku iyioo nkera e Nkai.

Lgalatia 4:5 ပူးပေါင်းရင်းမြစ်များ

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Luka 1:68

<

Yoana 1:12

Kake kore pooki oang'amaa neiruk ninye, neicho metaa nkera e Nkai.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Rroman 10:4

Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.

Rroman 8:14

Naa kore pooki oorikoo ꞉Ltau le Nkai naa nkera e Nkai.

Rroman 8:15

Neitu itumtum Ltau le rrindikicho eji paa intokiki aawueni to ngureticho, kake itumo Ltau oicho ntae sipat niakunyienyie nkera e Nkai. Kore te ninye nikibuak aajo, <>

Rroman 8:19

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

Rroman 8:23

namara ake ninche aapeny, kake abaki iyioo oichooki Ltau Sinyati ana nkichooroto ekue naichoo iyioo Nkai. Kore abaki iyioo naa ikingor taatua ate, kianyuta payie kiaku nkera e Nkai katukul payie elakuni seseni lang.

Rroman 9:4

ltung'ana loo Isirael. Kore apa ninche naa ketegelua ꞉Nkai metaa ltung'ana lenyena. Neichoo metoduaa nkitoo enye, neitai lning'o o ninche, neicho sii ninche nkitanapat enyena. Neibalakinyie neikoni tenesaii, neitoki aicho lekutukie lenyena.

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Lgalatia 4:21

Entilikaaki, ntae ooyieu newueni taabori nkitoria ee nkitanapat e Musa, amaa, mining'ning nejo Nkitanapat?

Lgalatia 4:7

Tankaraki inia, merokure kira rrindiki, kake ikira nkera e Nkai, naa tanaa ikira nkera, ikira sii lajung'ok.

Epeso 1:5

Kore te nchaman enye, negelu apake iyioo, neitaa nkera enyena aimu Yeso Kristo. Keiririkino apa inia yieuna enye supat,

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 9:12

Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Mbolunoto 14:3

Nerany ninche sinkolio ng'ejuk tekue lorika le nkitoo le Nkai o tekue naaduo tokitin ong'uan naaichu naatuwuana ng'uesi o tekue lolo payiani kutuaa. Meatae ltung'ani oidima ateyielo ilo sinkolio mara ake lolo tung'ana 144,000 ooitejewuaki to nkop.

Mbolunoto 5:9

Nerany sinkolio ng'ejuk ejo, <