Lgalatia 3:22 - Samburu

²² Kake kore Lkigerot naa keteena nkop pooki apik taabori nkitoria ee ng'ok, payie eichori lolo oata nkurukoto ilo lekutuk to nkurukoto e Yeso Kristo.

Lgalatia 3:22 ပူးပေါင်းရင်းမြစ်များ

Marko 16:16

Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

Yoana 12:46

Kayewuo nanu aaku wong'an e nkop, paa kore pooki ng'ae laairuk nanu nemeitoki awuon taatua naimin.

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Yoana 5:24

<

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Asat 16:31

Newoliki aajoki, <>

Rroman 10:9

Naaku tinimbalie iyie to nkutuk ino nchere kera Yeso Laitoriani, niruk ta ltau lino ajo keitipiwua ꞉Nkai ninye too lootuata, naa ikintejeuni iyie,

Rroman 11:32

Amu eteenika ꞉Nkai pooki ming'ano payie etum aing'urrie pooki.

Rroman 3:22

Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era.

Rroman 3:23

Amu etaasa pooki ng'ok, nelau nkitoo e Nkai,

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Lgalatia 3:14

Kore taatua Laitejeunoni Yeso, nebaki mayian e Abraam lochon pooki, payie kitum aatang'amai lekutuk la Ltau to nkoitiei e nkurukoto.

Lgalatia 3:17

Kore najoito naa ana, keitayia apake Nkai lning'o. Nemeidim nkitanapat naaotuo tesiedi larin ip ong'uan o osom aaibelekenya ilo ning'o, aitaa lekutuk le pecheu.

Lgalatia 3:23

Kake kore ewuon eitu elotu ana kurukoto, ketipikaki apa iyioo taabori nkitanapat, neteenaki iyioo ana meeu ana kurukoto naibalunyieki kenya.

Lgalatia 3:29

Naa tanaa irara ntae le Kristo, irara sii nkera e Abraam, nirara lajung'ok ana nejo lekutuk.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

2 Petero 3:13

Kake ikianyita chumata ng'ejuk o nkop ng'ejuk ana natejo Nkai te lekutuk lenye, inie naa kore ntoki pooki, netiuu ake ana nayieu ninye.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.