Kore apa lkinkii Erode naa keata apa larrabal o ltung'ana le Tiro o Sidon. Nepuo lolo tung'ana tenebo netii ninye. Kore payie eidip aatining'ore laisiaayiani kitok le nkaji enye oji Balisito, neyiaya melet amu kore apa nkop enche naa nkop e ilo kinkii etumie ndaa.
Kore najoito naa ana, keitayia apake Nkai lning'o. Nemeidim nkitanapat naaotuo tesiedi larin ip ong'uan o osom aaibelekenya ilo ning'o, aitaa lekutuk le pecheu.
o netii Yeso oara laitutumoni le Nkai o ltung'ana te lning'o ng'ejuk o netii ilo odo oitukoo ng'ok neiro mbaa supati alang lodo le Abel oyieu neitalakicho Nkai to ngoro.
Kake kore Kristo naa keata nkisiaayiare nalang naata apa laitainok la lasar, ana nalang ꞉ilo ning'o oara ninye laitutumoni, ilo ning'o musana tankaraki keirichakino lekutukie supati oaalang lo lning'o musana.
Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.