Lgalatia 3:1 - Samburu

¹ Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 3:1 ပူးပေါင်းရင်းမြစ်များ

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Matayo 7:26

Kake kore ltung'ani pooki oning kulo rerei lainien nemeas, naa inji etuwuana ltung'ani oamada otecheta nkaji enye te nkeper e sunyai.

Luka 24:25

Nejoki ninche, <

Asat 16:6

Neim Paulo o lboitieii lenyena inia kop e Paragia o ne Galatia, amu keibooyie ꞉Ltau Sinyati payie melikoo rerei to nkop e Asia.

Asat 6:7

Nebulaa rerei le Nkai oleng, nesioki lturrur loo looiteng'eni aaponunye te Yerusalem, neibung ꞉laitainok kumo la lasar inia kurukoto.

Rroman 10:16

Kake eitu eiruk pooki Lomon Supati, ana natejo loiboni le Nkai Isaya, <>

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 11:26

Amu kore nkata pooki ninyanya inia mukate, nimatmat ilo kikompe naa sipata e lkiye la Laitoriani ilikoo aaibalie ana metuchukunyie.

1 Lkorinto 2:2

Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba.

2 Lkorinto 10:5

nemeatae nkilacha nailiepunyie koon aibooyo ltung'ana payie meyielou Nkai, nimikindakie. Nemeatae inia naparraa ltung'ani nimikumbung, metining'o Kristo.

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

Lgalatia 1:2

Kore nanu o lalachera pooki laatii tenebo, ikiroroki nkanisani ee Lgalatia,

Lgalatia 1:6

Kaing'asia nanu tankaraki isiokiki aaing'uaa ilo oipoto ntae entewueni taatua munyani e Kristo, nimbelekenyakinono lkulie omon lamara Lomon Supati.

Lgalatia 2:14

Kore payie adol nchere measita ꞉ninche ana nairirikino te ndedei ee Lomon Supati, najoki Kepa tekue ltung'ana pooki, <>

Lgalatia 3:3

Oo ntae, imadada chiaake nabanyi? Itang'asutua apa lototo inchi taatua Kristo ta Ltau. Aanyo taata payie inyokitata aaidip to nyuata inchi?

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

Lgalatia 5:11

Lalachera, amaa, tanaa ewuon alikorita apa mbaa e muratare payie aaikenakini sipat, aanyo naa pee ewuon aaitamitae sina? Kore tanaa kalikorita ana, anata merokure era lmusalaba nkubooroto.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Epeso 5:15

Eng'ura oleng ninkunariri to lototo inchi, mara ana ltung'ana oaamada kake ana ltung'ana ng'eni,

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

1 Timoti 6:4

naa koon ake eiliepie nemeitoki eyielo. Kecham ninye aichankarrai pecheu, nenya larrabal loo rereii. Neiu inia lom o larrabal o ldeketa o sarim torno

Lburania 11:8

To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito.

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 4:17

Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai?

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

Mbolunoto 18:3

amu etamata lochon pooki naichuo e loloito enye, neng'uar aas loloito o ninye. Kore lkinkii le nkop, neas loloito o ninye, netaa lolo ooinyiang'icho nemiricho garsisi tankaraki parakuoicho enye.>>

Mbolunoto 2:20

Kake kore eyia, kamen taa ntae ana: Ipalitata ntomononi naji Yesebel najo koon nkoiboni e Nkai. Naa kore te nkiteng'ena enye neitopong'oo laisiaayiak o nkaisiaayiak ainien, metaasa loloito nenya ndaa naitakaki nkaitok e sapare.