Lgalatia 2:9 - Samburu

⁹ Kore aitoki payie eyielou munyani naaichooki nanu, Yakobo taa o Kepa o Yoana, lolo ooyieloi aajo kera lng'opeta, naang'amaa nanu o Barnabas, eitodolu aajo iking'ar ele siaai, payie kipuo iyioo aabaki loreren, nepuo ninche netii loomurata.

Lgalatia 2:9 ပူးပေါင်းရင်းမြစ်များ

Matayo 16:18

Naa kaajoki nchere ira iyie Petero, naa te nkeper e ana dadapoi achet nkanisa ai, nememir ninye ꞉ngolon e nemeneng'a.

Luka 22:8

Neirruaaya ꞉Yeso Petero o Yoana ajoki, <>

Yoana 1:42

Nerikoki ilo alache lenye Yeso. Neing'or ꞉Yeso ninye nejoki, <> Kore Kepa ta nkae kutuk naa Petero.

Asat 12:17

Neitigir ꞉Petero ninche ta nkaina, neliki neikuna Laitoriani payie eipung'unyie ninye te jila. Nejoki, <> Neinyuototo alo nkae ng'oji.

Asat 15:13

Kore payie eidip ninche aairoro, neinyuototo Yakobo nejo, <

Asat 15:7

Kore payie eichankarra ninche tana bae nkata naado, neinyuototo Petero aiguan ninche nejoki, <

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Rroman 15:15

Kake kore eyia, kaigeroka ake ntae aaitieu, aitaparru ntae nkuti baa. Kataasa inia tankaraki munyani naaichoo ꞉Nkai,

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

2 Lkorinto 11:5

Madol hoo nanu koon atuwuana kara kini too lolo kipaareta kulda ooji kutuaa.

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

2 Lkorinto 8:4

neitirrichaki iyioo aomonu mpaach naretie sinyat le Nkai otii Yerusalem.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Lgalatia 1:18

Kore aitoki pee eich larin okuni, nailiep alo Yerusalem payie atum aiparichiere Kepa, nawuon to ng'oji enye mperot tomon o imiet.

Lgalatia 2:1

Kore aitoki pee eich larin tomon o ong'uan, nailiep aitoki alo Yerusalem tenebo o Barnabas. Narik sii Tito.

Lgalatia 2:2

Naa kailiepa inie tankaraki mbolunoto naaichoo Nkai. Naiteyielo sii nanu lolo oaata rrepeta Lomon Supati lalikoo tekue loreren, aa nanu ake o ninche. Nataasa ana, payie meaku siaai laasita anaa lataasa le pecheu.

Lgalatia 6:3

Naa kore tenedol ltung'ani koon ajo kera toki, nemeitoki era, naaku koon esapita.

Epeso 2:20

Irara ntae nkaji naa Lkipaareta o loibonok le Nkai nkitamanyunoto enye, nera Kristo Yeso koon soit le tipat oirichiu nkaji,

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Lkolosae 1:29

Naa kore payie etum inia atabai, kanyokita oleng to ngolon enye naasicho taatua nanu.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

Mbolunoto 3:12

Kore ilo ooisul, naitaa lng'ope le nkaji e Nkai ai, nemeing'uaa aikata inie. Naa kaiger te sesen lenye nkarna e Nkai ai o nkarna e lkerenket le Nkai ai oji Yerusalem ng'ejuk odou eing'uaa netii Nkai te chumata. Naitoki sii aiger nkarna ai ng'ejuk.