Lgalatia 2:4 - Samburu

⁴ Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Lgalatia 2:4 ပူးပေါင်းရင်းမြစ်များ

Luka 5:38

Kake meata ajo mepiki naichuo ng'ejuk e lmusabibu atua lbenia ng'ejuko.

Asat 15:1

Nedou lkulie tung'ana te Yudea aapuonu Antiok, aaiteng'en looiteng'eni ejo, <>

Asat 15:24

Ikitining'o aajo keotuo lkulikae tung'ana ooing'uaa atua iyioo aapuonu aaitanyamal ntae tee rerei oopik ltauja linchi nkirochi, namara iyioo ooitanapa ninche metaasa inia nataasa.

Asat 20:30

Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche.

Rroman 8:15

Neitu itumtum Ltau le rrindikicho eji paa intokiki aawueni to ngureticho, kake itumo Ltau oicho ntae sipat niakunyienyie nkera e Nkai. Kore te ninye nikibuak aajo, <>

2 Lkorinto 11:13

Kore ltung'ana laijo lolo, naa lkipaareta le sapare ninche, nera laisiaayiak oasapicho, nera ltung'ana ooibelekeny ate aaitaakino lkipaareta le Kristo.

2 Lkorinto 11:17

Kore tanaikar aiko nchi naa mairorita ana loutarita ꞉Laitoriani, kake ana lmadai.

2 Lkorinto 11:20

Kesipa ing'iriri ntae teneitae ntae rrindiki o teneisimarieki ntae ntokitin o teneitamai ntae o tenemeni ntae o teneitami ntae anyit.

2 Lkorinto 11:26

Kalo echi oleng nkopi kumo, naajo nkare iwa tee seriak, naajo lapurrok o ltung'ana lainien o loo lkulie oreren entar matua. Katumo ana tee lkerenketi o te lkees o ta mpaso, o taa lalachera le sapare.

2 Lkorinto 3:17

Kore ilo Aitoriani naa Ltau Sinyati, naa kore ake netii ilo Tau Sinyati la Laitoriani, netii lakunoto.

Lgalatia 1:7

Amu meatae lkulie omon supati, kake keitanyamalita ntae lkulie tung'ana, neyieu neibelekeny Lomon Supati le Kristo.

Lgalatia 4:25

Kore Agar, naa nkitanyanyukoto e ldonyuo le Sinai otii Arebia. Naa keinyinyukore Yerusalem e taata, amu keti ninye rrindikicho tenebo o nkera enyena.

Lgalatia 4:3

Naa nejia sii apa etiu tee iyioo, kore kira nkera naa keitaaki iyioo rrindiki lo nkitanapat ena kop.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Lgalatia 5:10

Kake kaata sipata taa ntae, taatua Laitoriani nchere, mitumtum nkae duata mara ake nduata ai. Kake kore ilo oitanyamal ntae naa ketum nkiguana enye, nemenya ajo ng'ae.

2 Timoti 3:6

Kore lbata loo lolo tung'ana naa ketii looleliakino nkajijik, neitopong'oo ntomonok naamada. Kore kuna toluti naa kepetita ꞉nkirochi ee ng'ok, nerikito ꞉ng'uarrat kumo naapaapaacha,

Yakobo 1:25

Kake kore ilo tung'ani ochekino aing'or aitibiraki inia kitanapata e Nkai e nchaman nalaku ltung'ana, nelo kue eas ana nejo nemerikino naatining'o, naa kemayian ꞉Nkai te inia naasita.

1 Petero 2:16

Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

2 Petero 2:19

Kejoki ꞉ninche ltung'ana keata lakunoto naasie ntoki pooki nayieu neas, nera ninche maate rrindiki ooitore ꞉mbaa e anyit naamut kenya ninche. Amu kera ltung'ani rrindik le ntoki pooki namir ninye, neitore.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.