Lgalatia 2:2 - Samburu

² Naa kailiepa inie tankaraki mbolunoto naaichoo Nkai. Naiteyielo sii nanu lolo oaata rrepeta Lomon Supati lalikoo tekue loreren, aa nanu ake o ninche. Nataasa ana, payie meaku siaai laasita anaa lataasa le pecheu.

Lgalatia 2:2 ပူးပေါင်းရင်းမြစ်များ

Matayo 10:16

<

Asat 15:12

Kore inia kiguana pooki negira ajo tau aainining Barnabas o Paulo enyau mbaa pooki naataasa Nkai taatua loreren, aasichere ninche metaasa asat naaitodolu nkitoo enye o mbaa e nking'asia.

Asat 15:2

Neichankarrare ꞉Paulo o Barnabas lolo tung'ana oleng. Negeluni Paulo o Barnabas tenebo o lkulie alachera meiliepa aapuo Yerusalem aayaki lkipaareta o lpayiani le nkanisa ana bae.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 18:9

Kore nkuarie nabo, neipung'oki ꞉Laitoriani Paulo neirorie ajoki, <

Asat 23:11

Kore inia kuarie neipung'oki Laitoriani Paulo nejoki, <>

Asat 5:34

Kake keatae apa Lparisayoi oji Gamaliel, oara laiteng'enani loo nkitanapat, oayanyit ꞉ltung'ana pooki. Neitache ninye tekue inia kiguana, nebuaaki meipung'ieki lolo tung'ana ang'as peneu.

Rroman 9:16

Tankaraki inia, paa mara yieuna tanaa nyuata e ltung'ani eirichakino kake tankaraki naata ꞉Nkai lng'ur.

1 Lkorinto 1:23

Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi.

1 Lkorinto 2:2

Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba.

1 Lkorinto 9:24

Amaa, miyielolo aajo ltung'ana kumo chiaake oaang'asu nkuetata, kake ltung'ani obo ake oisul, netum inia naichori loisula? Enkuet naa payie itumtum inia!

1 Lkorinto 9:26

Naaku maijulo nanu tanakuet, namanya larrabal ana ꞉ltung'ani oikuto siwuo.

2 Lkorinto 12:1

Meatae ajo malo kue aikar, abaki meitoki eret inia. Kake kairo taata mbaa naaitoduaa o naatoboloka Laitoriani.

Lgalatia 1:12

Neitu ang'amaa to ltung'ani, neitu sii aaiteng'eni, kake Yeso Kristo laatoboloka.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Lgalatia 1:6

Kaing'asia nanu tankaraki isiokiki aaing'uaa ilo oipoto ntae entewueni taatua munyani e Kristo, nimbelekenyakinono lkulie omon lamara Lomon Supati.

Lgalatia 2:6

Naa kore lolo arikok oaata rrepeta nchere kera toki, kajo meitoki aatoponikita te nkiteng'ena ai. Kore apa netiu ninche, naa meata tipat ta nanu, amu meing'or Nkai mbaa e oriong.

Lgalatia 2:9

Kore aitoki payie eyielou munyani naaichooki nanu, Yakobo taa o Kepa o Yoana, lolo ooyieloi aajo kera lng'opeta, naang'amaa nanu o Barnabas, eitodolu aajo iking'ar ele siaai, payie kipuo iyioo aabaki loreren, nepuo ninche netii loomurata.

Lgalatia 5:7

Ipuoitoto apa aaitibiraki to nkoitiei e nkurukoto, ng'ae oibooyie ntae payie mianyitnyit ndedei?

Lpilipi 2:16

tinimbung'bung aitibiraki rerei le nkichui. Naa keaku inia rrepet ai ta mparri e Kristo, tankaraki eitu eaku nyuata o nkinyinyiret ai ne pecheu.

Lpilipi 2:29

Entang'amai naa te ng'ida sapuk ninchocho ltung'ana pooki ootuwuana ninye nkanyit.

1 Ltesalonike 3:5

Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.

2 Timoti 4:7

Atama larrabal supat, kakueta naidipa inia kuetata, naibung'a nkurukoto.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.