Lgalatia 1:7 - Samburu

⁷ Amu meatae lkulie omon supati, kake keitanyamalita ntae lkulie tung'ana, neyieu neibelekeny Lomon Supati le Kristo.

Lgalatia 1:7 ပူးပေါင်းရင်းမြစ်များ

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Asat 13:10

nejoki, <

Asat 15:24

Ikitining'o aajo keotuo lkulikae tung'ana ooing'uaa atua iyioo aapuonu aaitanyamal ntae tee rerei oopik ltauja linchi nkirochi, namara iyioo ooitanapa ninche metaasa inia nataasa.

Asat 20:30

Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche.

2 Lkorinto 11:13

Kore ltung'ana laijo lolo, naa lkipaareta le sapare ninche, nera laisiaayiak oasapicho, nera ltung'ana ooibelekeny ate aaitaakino lkipaareta le Kristo.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Lgalatia 1:6

Kaing'asia nanu tankaraki isiokiki aaing'uaa ilo oipoto ntae entewueni taatua munyani e Kristo, nimbelekenyakinono lkulie omon lamara Lomon Supati.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Lgalatia 4:17

Kore laapa alachera le sapare, naa keyieu ntae oleng. Naa mara tankaraki supaticho eyiewuoki ntae, kake keyieu neitung'aa ntae iyioo, payie intaii ate aairukurukore ninche.

Lgalatia 5:10

Kake kaata sipata taa ntae, taatua Laitoriani nchere, mitumtum nkae duata mara ake nduata ai. Kake kore ilo oitanyamal ntae naa ketum nkiguana enye, nemenya ajo ng'ae.

Lgalatia 5:12

Keyiere duo naa kore lolo oitanyamal ntae, nepuo aagelem ate.

Lgalatia 6:17

Naa kore ang'asu taata, enchoo metaa meatae ltung'ani laaitanyamal, amu kaata nanu lminchiria latumo tankaraki Yeso te sesen lai.

2 Timoti 2:18

Ketung'aitie ninche ndedei near nkurukoto ee lkulikae, ejoito keidipa mpiunoto ee lootuata ataasai.

1 Yoana 2:26

Kaigeroka naa ntae kuna baa aparru lolo oonyokita aaitopong'oo ntae.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

2 Yoana 1:10

Kore teneatae ltung'ani olotu nitii nemeyau ana kiteng'ena, emintoomon ninye ta nkaji tanaa irorokiki.

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

Mbolunoto 13:14

Kore taa nana baa naaing'asicho naaichooki metaasa tekue inia ng'ues torno ekue, nesap ltung'ana pooki oaamanya nkop. Neitirrichaki meeitibira nkitanyanyukoto e inia ng'ues ekue, inia nataraki apa metua ta lalem neinyiaaka apiu.

Mbolunoto 19:20

Kake neibung'i inia ng'ues torno tenebo o loiboni le sapare oataasa mbaa kutuaa naaing'asicho tekue inia ng'ues. Kore nenia baa e nking'asia, netasapie ltung'ana pooki ootipikaki lminchire le inia ng'ues, lolo oaatasayia nkitanyanyukoto enye. Nenang'akini eichu inia ng'ues torno o loiboni le sapare mpaso e nkima nailu to ntoki naji salpa.

Mbolunoto 2:2

Mbolunoto 2:20

Kake kore eyia, kamen taa ntae ana: Ipalitata ntomononi naji Yesebel najo koon nkoiboni e Nkai. Naa kore te nkiteng'ena enye neitopong'oo laisiaayiak o nkaisiaayiak ainien, metaasa loloito nenya ndaa naitakaki nkaitok e sapare.

Mbolunoto 2:6

Kake iatata ake ana rrepet: Imbaba inia naasita ltung'ana ooirukurukore Nikolas, ana payie aiba nanu.