Lgalatia 1:4 - Samburu

⁴ Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

Lgalatia 1:4 ပူးပေါင်းရင်းမြစ်များ

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Matayo 20:28

ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Matayo 26:42

Neitoki alo nkata e are aomon ejo, <>

Matayo 6:9

Naa, tiniomonmon, entoomon aajo inji:

Marko 10:45

Amu eitu abaki elotu Nkerai e Ltung'ani meisiaai, kake keyewuo aisiaaicho, neitai nkichui enye alakunyie lkumo.>>

Luka 22:19

Nerrapu mukate nerrinyoki Nkai nache, negil neicho ninche ejo, <>

Luka 22:42

nejo, <>

Yoana 10:11

<

Yoana 12:31

Kore taata, keiguanareki ana kop, naa taata emirari ilo oitore ana kop aaipung'ie aulo.

Yoana 5:30

<

Yoana 6:38

Amu katodowua nanu to chumata payie aas inia nayieu ꞉ilo laairriwua, namara payie aas inia nayieu makoon.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Rroman 12:2

Emiduaaya mbaa e ana kop, kake enchoo eibelekeny ntae Nkai aiteng'ejuk mparrunot inchi, payie itumtum aatisipu inia nayieu Nkai nara supat, neiting'id ninye, necho.

Rroman 4:25

Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.

Rroman 8:27

Naa kore ilo oing'uraa ltauja loo ltung'ana naa keyielo inia nayieu Ltau Sinyati, amu keomonoki sinyat le Nkai ana nayieu ꞉Nkai.

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

1 Lkorinto 15:3

Kaitarasaka ntae inia natang'amayie nera netipat oleng, nchere ketua Kristo tankaraki ng'ok ang ana naigero too Lkigerot Sinyat.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

Epeso 1:11

Kore taatua Kristo ikitum iyioo inia natejo apa ꞉Nkai ikitum te risiorote e kipirte enye, inia nategelakaki iyioo apake ewuon mikitii. Ninye oaas mbaa pooki ana nayieu o ana nadung ninye,

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 5:16

niasicherere nkata inchi aaitibiraki, amu keitorrok nkolong'i.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lpilipi 4:20

Metaa naa ne Nkai Papa lang nkitoo ntarasi o ntarasi. Aamin.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Ltesalonike 3:11

Kore taata, naa metuutaki iyioo Nkai ang Papa koon o Laitoriani lang Yeso nkoitiei nikipuonunyie nitii.

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lburania 2:5

Mara apa lmalaikani eichoo ꞉Nkai meitoria nkop nalotu, naa ninye taa kiimakita,

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Petero 2:24

Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

1 Yoana 3:16

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Mbolunoto 5:9

Nerany sinkolio ng'ejuk ejo, <

Mbolunoto 7:9

Kore aitoki payie eich nenia baa, nadol lturrur kitok, lemeata ltung'ani oidim aikena, eing'uaa nkopi pooki o loreren pooki o lochon pooki o nkutukie pooki naairori, eitachoo tekue lorika le nkitoo o tekue Lkuo leker. Neichopito pooki nkilani naaibor, neibung'uta sura e lcheni oji ltunkai taa nkaik enche.