Lburania 9:16 - Samburu

¹⁶ Kore lning'o ng'ejuk naa inji etuwuana mpalai naigerore mbaa naaitodolu njung'ore, naaku keichiaakino payie esipuni aajo kedede ketua ilo tung'ani ojung'i.

Lburania 9:16 ပူးပေါင်းရင်းမြစ်များ

Rroman 5:12

Naaku inchi taa etiu: Ketijing'a ng'oki nkop aimu ltung'ani obo, neitoki lkiye aimu ng'oki, inia payie eibulaachayie ꞉lkiye ltung'ana pooki tankaraki ketaasa pooki ng'ok.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

1 Lkorinto 15:22

Amu kore tankaraki naye ltung'ana pooki tankaraki naing'uaa Adam, nejia sii etiu, keitipiuni pooki metumo nkichon tankaraki nara le Kristo.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

Lburania 9:17

Kore mpalai naigerore mbaa naaitodolu njung'ore naa meata siaai ewuon eichu ltung'ani oigero. Teneper ake ilo oigero etum inia palai siaai.

Yakobo 2:10

Amu kore pooki ng'ae oibung nkitanapat kake negil nabo, naaku keitorno ake ana lotigila pooki.