Lburania 9:11 - Samburu

¹¹ Kake keidipa Kristo ayeu ana laitainoni la lasar loo ntokitin supati naaotuo. Netijing'a ninye nkaji e Nkai alo atua Ng'oji sinyati naaisul pooki. Kore inia aji naisiaaichere ninye, naa keisupat oleng neitu eitibir nkaik ee ltung'ana, amu mera nkaji ena kop.

Lburania 9:11 ပူးပေါင်းရင်းမြစ်များ

Matayo 11:3

meipara aajoki, <>

Matayo 2:6

>>

Marko 14:58

< >>

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 4:25

Nejoki ꞉inia kitok, <>

Asat 7:48

<

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

2 Lkorinto 5:1

Ikiata sesen le ana kop otuwuana nkaji e nkiti kata namanya nkichui ang. Naa Ikiyielo aajo kore kenya teneidaari ele sesen, ikiata te chumata sesen oicho iyioo Nkai, oaku nkaji nabik ntarasi neitu eitibir nkaina e ltung'ani.

Lkolosae 2:11

Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.

Lburania 10:1

Kore nkitanapat e Musa, naa keata loip loo nana baa supati naapuonu, mara nenia baa supati eata kake loip ake. Kore abaki eitaitae lolo asarri ooitanapaki tee nkitanapat lari o lari, naa meidim aikata aaitaa lolo oopuonu tekue Nkai loosipat.

Lburania 12:27

Kore kulo rereii oojo, <>, naa keitodolu ajo kore ntokitin pooki naaitibiruaki naa keikirikirieki neiwuang'ieki metaa ntokitin nemeigusugus ake aapeny naaitachoo.

Lburania 13:14

amu mikiata tene lkerenket obik, kake iking'oruta inia ang nalotu.

Lburania 2:17

Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 4:15

Amu mara laitainoni kitok la lasar lemeiseyie ꞉nchalan ang ikiata iyioo, kake ikiata ilo otetemaki too nkoitieii pooki ana natemitae iyioo, kake neitu eas ng'oki.

Lburania 7:1

Kore ilo Melkisedek, naa lkinkii lo lkerenket le Salem nera laitainoni la lasar le Nkai naisul pooki. Kore apa payie echukunyie Abraam eing'uaa larrabal otumutie lkinkii, nenang'are ꞉Melkisedek nemayian.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.