Lburania 7:27 - Samburu

²⁷ Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

Lburania 7:27 ပူးပေါင်းရင်းမြစ်များ

Rroman 6:10

Kore apa lkiye otua Kristo nkata nabo, naa ketua payie emir nkitoria e ng'oki, naa kore nkichon naichu ninye, naa nkichon naicho Nkai nkisisa.

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Lburania 5:1

Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 5:3

Naa kore tankaraki inia, meata ajo meitai ninye lasar tankaraki ng'ok enyena o noo lkulie tung'ana sii.

Lburania 8:4

Kore duo tanaa keti ninye ana kop naa meaku laitainoni la lasar, amu keatae laitainok la lasar ooichooyo nkichoorot ana nayieu nkitanapat e Nkai.

Lburania 9:12

Namara lodo loo lkineji o laa lachau etijing'ie inie Ng'oji Sinyati aisul pooki, kake lodo lenye koon etijing'ie nkata nabo ake aitai lasar, nelaku iyioo ntarasi.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Lburania 9:25

Neitu ejing ninye chumata aitai koon aaku lasar nkatitin kumo, ana apa neiko laitainoni la lasar lemeata lari lemejing atua inie Ng'oji Sinyati aisul pooki eata lodo lamara lodo lenye.

Lburania 9:26

Amu tanaa ketaasa apa inia, anata naa eye nkatitin kumo, ang'asu apake payie eitibir Nkai nkop. Kake keyewuo ninye nkata nabo ake taata kitii ng'amata e nkiting'oto e nkop, neicharu koon aaku lasar oichu ng'ok te lkiye lenye.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Lburania 9:7

kake laitainoni kitok la lasar ake apeny ojing nkata nabo ta lari atua ilo gilata le oare oji Ng'oji Sinyati aisul pooki. Nemejing meata lodo oibukoo aomonu mpalikinoto ee ng'ok enyena o naataasa ltung'ana eitu ebaraki.