Lburania 7:25 - Samburu

²⁵ Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Lburania 7:25 ပူးပေါင်းရင်းမြစ်များ

Yoana 14:13

Naa kore pooki niomonunu ta nkarna ai naa kaitaas ntae, payie etum Papa nkisisa te Nkerai enye.

Yoana 14:16

naa kaomon Papa meichoo ntae likae Aretoni, neicho metaa tenebo o ntae ntarasi.

Yoana 14:6

Nejoki ꞉Yeso, <

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 5:2

Ketoboloka iyioo Yeso Kristo nkoitiei nikibakinyie to nkurukoto ana munyani nikitii taata atua, niking'idare siligi le nkitoo e Nkai likitum.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

Epeso 2:18

Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

Epeso 3:12

ilo laa taatua ninye ikiata nkitieunoto nikindim aaotunyie netii Nkai to nkurukoto, mikiata ngureticho.

Epeso 3:20

Kore ilo oidim ataasa to ngolon enye naasicho taatua iyioo mbaa kutuaa naalang nikindim iyioo aatoomonu tanaa aataparrai,

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

1 Timoti 2:5

Amu nabo ake Nkai naa lobo laitutumoni le Nkai o ltung'ana, Kristo Yeso laa ltung'ani ninye,

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

Lburania 11:6

Kore naa tenemetii nkurukoto, meidimai payie eiting'idi Nkai, amu kore pooki olotu netii ninye, naa meata ajo payie meiruk nchere keatae Nkai, naa ninye nalak lolo ooyiaya ninye.

Lburania 13:15

Naaku kore aimu Yeso, maitaki naa Nkai lasar le nkisisa nkata pooki, kimbalie nkarna enye too nkutukie aang.

Lburania 2:18

Kore amu keimayie Yeso sina o ntemat, keidim atereto iyioo tinikitum ntemat.

Lburania 2:9

Kake ikidolita Yeso, oitodowuaki te nkiti kata aaitaa kini taa lmalaikani, etipikaki nkopiyia e sinyaticho o ne nkanyit amu ketumo mion ana metua, paa kore te munyani e Nkai neye anang ltung'ana pooki.

Lburania 5:7

Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Lburania 7:16

Naa ketaa Yeso laitainoni la lasar namara ana nayieu nkitanapat, kake ketaa to ngolon e nkichui nemeata nkiting'oto.

Lburania 7:19

Nemeitoki eitaa ꞉nkitanapat metaa meata ntioto, kake keichooki taata iyioo siligi oikach laa ninye kinyikakinyie Nkai.

Lburania 7:24

Kake kore amu kebik Yeso ntarasi naaku kera ninye Laitainoni la lasar laa ntarasi.

Lburania 7:8

Kore naduo bae ekue, neipirita laitainok la lasar oaang'amaa motua e tomon naa ltung'ana ake ooye ninche, kake kore naijipu inia neipirita ilo oatae sipata aajo keichu ntarasi.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,