Lburania 7:11 - Samburu

¹¹ Kore abaki ejo nkitanapat e Musa nchere meata ajo mara ake ichoi e Lawi eing'uaa laitainok la lasar, meidim lolo aitainok la lasar aitaa ltung'ani metaa ltung'ani lemeata ntioto. Naaku keyiere payie eatae laitainoni kitok la lasar otuwuana Melkisedek, alang ilo oara le ntalipa e Aron.

Lburania 7:11 ပူးပေါင်းရင်းမြစ်များ

Lgalatia 2:21

Maany munyani e Nkai, amu tanaa apa nkitanapat eikenakinyieki ltung'ana sipat, naa ketua naake Kristo pecheu.

Lgalatia 4:3

Naa nejia sii apa etiu tee iyioo, kore kira nkera naa keitaaki iyioo rrindiki lo nkitanapat ena kop.

Lgalatia 4:9

Naa kore taata iteyieloutua Nkai, anaa matejo eteyielowua ntae Nkai, aji naa inkoko aitoki tinirrinyokinono nkitanapat ena kop nemeata ngolon, nemeata tipat? Rrindiki lenche aitoki iyieu niakuku?

Lburania 5:10

neitaa ꞉Nkai ninye laitainoni kitok la lasar ana neikununo apa Melkisedek.

Lburania 5:6

Nejo aitoki Lkigerot Sinyat ta nkae ng'oji, <>

Lburania 6:20

inie netijing'a apa Yeso oituruko tekue iyioo ta mpaach ang. Ketaa ninye laitainoni kitok la lasar ntarasi ana neikununo apa Melkisedek.

Lburania 7:10

Amu kore payie etum ꞉Melkisedek Abraam naa ketii apake Lawi atua sesen le Abraam.

Lburania 7:12

Amu teneibelekenyi neiko laitainoni la lasar teneitai lasar, keyiere sii neibelekenyi nkitanapat.

Lburania 7:13

Naa kore ilo likiimakita naa le likae orere, nemeatae apake obo le ilo orere otaasa siaai te lperere la lasar.

Lburania 7:15

Kore aitoki ake, naa keibala oleng tankaraki nayewuo likae aitainoni la lasar otuwuana Melkisedek.

Lburania 7:21

kake ketaa Kristo Laitainoni la lasar payie eitai ꞉Nkai lekutuk eipot nkarna enye koon ejo, <>

Lburania 8:7

Kore tanaa meitoki apa nang'oriki ilo ning'o lekue anata meatae tipat nayeunyieki likae ning'o.

Lburania 9:6

Kore eidipaki ntoki pooki ana nayiere ta nkaji e Nkai, nejing laitainok la lasar lgilata lekue nkata pooki aas siaai lenche ana nayieunyieki,