Lburania 5:7 - Samburu

⁷ Kore apa ebikito Yeso tana kop, ketoomono neichiraki Nkai too lkiyio, inia Ai naaidim aitejeu atirichie lkiye. Nening Nkai nkomono enye tankaraki naurie ninye.

Lburania 5:7 ပူးပေါင်းရင်းမြစ်များ

Matayo 27:46

Kore nochi naaku saai saal, neichir Yeso abuak to ltoilo sapuk ejo, <> Kore nautu inia naa ana, <>

Matayo 27:50

Neitoki Yeso abuak to ltoilo sapuk, nedung'o tau.

Marko 15:34

Kore saai saal, nebuak Yeso to ltoilo kitok ajo, <> Kore nautu inia naa ana, <>

Marko 15:37

Nebuak Yeso aichir to ltoilo sapuk, nedung'o tau.

Luka 23:46

Nebuak Yeso to ltoilo sapuk ajo, <> Kore payie eidip atejo nejia, nedung'o tau.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 11:35

Neichir Yeso.

Yoana 11:42

Kayielo ajo ikining chiaake nkatitin pooki, kake atejo ana tankaraki kulo tung'ana ooitachoo tene, payie etum aairuko aajo ikirriwua iyie nanu.>>

Yoana 17:1

Kore payie eidip Yeso atejo ana, neapu nkonyek aing'or keper nejo, <

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 10:10

Naa kore te inia yieunoto enye, neitisinyaki iyioo te sesen le Yeso Kristo oataa lasar lang nkata nabo ake.

Lburania 10:5

Kore naa payie elotu Kristo ana kop nejo, <

Lburania 11:7

To nkurukoto etecheta Noa meli aitejeu nkang enye. Keyanyita Nkai natilika ntoki nalotuta neitu aikata edoli. Kore te inia asata enye e nkurukoto neitodol nkop pooki ajo kedung'okini nkiguana, kake neaku ninye lobo lo loosipat oaata nkurukoto.

Lburania 12:28

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

Lburania 2:14

Naaku kore amu nkera ee ltung'ana nenia kera naata seseni oaata nkiri o lodo, nelotu sii Yeso eata sesen otuwuana lenche, paa kore te lkiye lenye neoru chitani ngolon, naata apa nkitoria nayeunyie lkiye.

1 Yoana 4:3

naa kore ilo pooki lemeibalunyie Yeso naa mara le Nkai. Kore ele tau naa le ilo oiba Kristo, litining'o apake aajo kelotu, naa keti abaki taata nkop.

2 Yoana 1:7

Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.