Lburania 5:12 - Samburu

¹² Amu kore ntae naa keyiere apa nitaa laiteng'enak, kake ewuon ake iyieuu ltung'ani oiteng'en ntae mbaa naalelek e rerei le Nkai. Kore taata ewuon ake irara ltung'ana laa kule aapeny eidim aatamat alang ndaa nagol.

Lburania 5:12 ပူးပေါင်းရင်းမြစ်များ

Matayo 17:17

Newoliki ꞉Yeso ajoki, <>

Marko 9:19

Newoliki ꞉Yeso ajoki, <>

Asat 7:38

Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.

Rroman 3:2

Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye.

1 Lkorinto 14:19

Kake kore to ntumo e nkanisa, naikach tanairo rereii imiet ooning'unoi, payie aiteng'en lkulikae, alang tanairo rereii 10,000 to nkutuk naidimie ꞉Ltau Sinyati.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

Lgalatia 4:3

Naa nejia sii apa etiu tee iyioo, kore kira nkera naa keitaaki iyioo rrindiki lo nkitanapat ena kop.

Lpilipi 3:1

Kore aitoki lalachera o nkanachera ainien, enting'idata taatua Laitoriani. Mainauru aigeroki ntae mbaa naigeroka apa amu tanaigeroki ntae, naa keret ntae inia payie mirriaa.

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Lburania 10:32

Entaparru apa payie ing'amumu wong'an e Nkai, ninkuna payie ing'iriri sina ogol.

Lburania 5:11

Kore taa mbaa naaipirita ana bae, kaata duo lomon kumo lajo, kake kegol limunoto amu misiokiki aaning'u mbaa.

Lburania 5:13

Naa kore pooki laa kule e lkina ake eichiwue naa ewuon era nkerai kini, nemeyielo atooro ntoki nadede o nemedede.

Lburania 6:1

Naaku naa meyiere ake naaku mbaa ekue naayiere nikiyielou naaipirita Kristo eiteng'eni iyioo, kake keyiere nikipuo kue aabaki nkiteng'ena nairirikino ltung'ana botoro. Nimikingil aitoki aachukokino nkiteng'ena ekue naipirita nikinko tinikirriidu asat naayaki iyioo lkiye o nikinko tinikiruk Nkai.

1 Petero 2:2

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.