Lburania 5:1 - Samburu

¹ Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 5:1 ပူးပေါင်းရင်းမြစ်များ

Rroman 15:17

Naaku kailach taatua Kristo Yeso tankaraki inia kisiaayiare ai te Nkai.

1 Lkorinto 15:3

Kaitarasaka ntae inia natang'amayie nera netipat oleng, nchere ketua Kristo tankaraki ng'ok ang ana naigero too Lkigerot Sinyat.

Lburania 10:11

Kore ake laitainoni pooki la lasar naa meatae mparri nemeitache aas siaai lenye, eigil aitai lolo asarri le oochiaake lemeidim hoo katukul aawaita ng'ok.

Lburania 10:12

Kake nkata nabo ake eitayia Kristo koon aaku lasar loo ng'ok obik ntarasi, newuon ta nkaina e tetene e Nkai.

Lburania 11:4

To nkurukoto eitaka ꞉Abel Nkai lasar supat olang le Kain. Naa tankaraki naata nkurukoto payie eikena ꞉Nkai ninye ajo loosipat, netachamayie lasar loo nkichoorot enyena. Naa kore abaki etua Abel, ewuon ake eirorita to nkurukoto.

Lburania 2:17

Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.

Lburania 7:27

Meata tipat payie eitai ninye lasar mparri o mparri ana neiko apa laitainok la lasar oaang'as tekue aitai lasar tankaraki ng'ok enche payie etum taa aitai tankaraki lkulie tung'ana. Kake keitayia apa Yeso koon aaku lasar nkata ake nabo tankaraki ltung'ana pooki.

Lburania 8:3

Amu kore laitainoni kitok pooki la lasar naa ketegeluaki payie eichooyo nkichoorot o lasarri, naaku keyiere sii paa kore Kristo neata ntoki naichooyo.

Lburania 8:4

Kore duo tanaa keti ninye ana kop naa meaku laitainoni la lasar, amu keatae laitainok la lasar ooichooyo nkichoorot ana nayieu nkitanapat e Nkai.

Lburania 9:9

Kore kuna pooki naa nkitanyanyukot naautu tana ng'amata aajo kore nkichoorot o lasarri naa meidim aaitibira ltung'ani oasai Nkai metining'o ajo meata nakurrieki.