Lburania 4:12 - Samburu

¹² Amu kore rerei le Nkai naa keichu neata ngolon. Kepi alang lalem opi mbat pukura, nerem arich nkurruk o nkichui o loik o ntolo, neidim atukurru mparrunot o yieunot e ltau naaisudoro.

Lburania 4:12 ပူးပေါင်းရင်းမြစ်များ

Luka 8:11

<

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Yoana 6:51

Kara nanu ndaa naichu natodowua eing'uaa chumata. Naa kore tanaa kenya ltung'ani ana daa, naaku keichu ntarasi. Kore ana daa naa sesen lai, oichoruaki payie etum nkop nkichui.>>

Asat 2:37

Kore payie ening ltung'ana ana, nedung'o nkochuaa nejoki Petero o lolo kulie kipaareta, <>

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Asat 5:33

Kore payie ening inia kiguana ee larikok loo Lyiaudi ana, neiputakino ngoro oleng eyieu near ninche metuata.

Asat 7:38

Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

1 Lkorinto 1:24

Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Epeso 5:13

Kake kore nenia pooki nelioi teneitoong wong'an,

Epeso 5:26

payie etum aitisinya, eituk ta nkare o te rerei le Nkai,

Epeso 6:17

Naa entang'amai ninchopchop nkopiyia e njeunoto nimbung'bung lalem la Ltau Sinyati, naa rerei le Nkai taa ilo.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

Yakobo 1:18

Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.

1 Petero 1:23

Amu ketiiwuaki ntae nkata e are, namara ta lantararai omutari kake lememutari, aa taa te rerei le Nkai oichu lemeichunye.

Mbolunoto 1:16

Neibung'uta ta nkaina enye e tetene lakir sapa, nepuku lalem opi mbat pukura are to nkutuk enye. Neilu nkomom enye ana ndama nailu oleng.

Mbolunoto 19:15

Neimu nkutuk enye lalem opi laa ninye earie lochon. Keitore ꞉ninye ninche to sobua e senkei, naa keruko lodo ana naruko nkare ee lng'anayio lo lmusabibu teneironyi, eitodolu inia ngoro e Nkai Napeny ngolon.

Mbolunoto 19:21

Kore nkulie jorin enche pooki, nemut ꞉ilo odirita mbarta ta lalem opi opuku to nkutuk enye. Neitiemu lmotonyi ate tee nkiri enche.

Mbolunoto 2:16

Erriidu naa ng'ok inchi, amu tinimirriididu kalotu nitii asieku, narare lolo oaata inia kiteng'ena te ilo alem opuku to nkutuk ai.

Mbolunoto 2:23

Kamut lolo pooki ooirukurukore ninye metuata, netum nkanisani pooki aateyielo aajo nanu oyielo mparrunot o mbaa naatii ltau lo ltung'ani pooki, naa meata lobo linchi lamalaaki inia nairirikino.

Mbolunoto 20:4

Naitoki adol lorikan le nkitoo naa kore lolo oowuenita neichooki nkitoria meitoreicho. Nadol aitoki ltauja loo lolo apa ootudung'oki lgoso tankaraki limunoto e Yeso naitaitua o tankaraki rerei le Nkai. Eitu esai ꞉ninche inia ng'ues torno o nkitanyanyukoto enye neitu eng'amaa lminchire lenye too nkomomi tanaa taa nkaik enche. Nepiu ninche, neitoricho tenebo o Kristo larin 1,000.