Lburania 4:1 - Samburu

¹ Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.

Lburania 4:1 ပူးပေါင်းရင်းမြစ်များ

Matayo 24:48

Kake oo tanaa keitorno ilo aisiaayiani, nejo ta ltau lenye,

Asat 3:19

Erriidu naa, niwuatuwuatata, payie ejuti ng'ok inchi,

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 3:23

Amu etaasa pooki ng'ok, nelau nkitoo e Nkai,

1 Lkorinto 10:12

Naaku kore ilo ojo keitache aipidaki, oi edol koon payie merria.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Lgalatia 5:4

Etoorieki ntae Kristo, ntae oonyok aayiaya meikenakini sipat to nkoitiei ee nkitanapat. Iterriate, nilamlam munyani e Nkai.

2 Timoti 2:13

Naa tinimikisiligai iyioo, naa keisiligai ake ninye nkata pooki, amu meidim atanya ajo mera ilo oara.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

Lburania 12:25

Entodol naa ake emiany ilo oirorita amu tanaa eitu eim aras e kumojik ꞉lolo oaatanya ening Nkai eirorie to nkop, meata naa sii nikinko iyioo tinikilany ninye, tinikiany kining ltoilo lenye oing'uaa chumata.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

Lburania 3:11

Naa inia paa kore to ngoro, naimie te lekutuk nchere, >>

Lburania 4:11

Naaku matonyok aatum inia kiyeng'iyeng'ata, payie meatae ake lobo orria ana lolo apa oaatanya ening Nkai.

Lburania 4:9

Naaku kewuon ake eatae nkiyeng'iyeng'ata natum ltung'ana le Nkai.