Lburania 3:2 - Samburu

² Keisiligai apa ninye ta Nkai nategelua, ana apake naisiligai Musa too ltung'ana pooki le Nkai.

Lburania 3:2 ပူးပေါင်းရင်းမြစ်များ

Yoana 15:10

Tanaa imbung'bung nkitanapat ainien, niwuenini taatua nchaman ai, ana payie aaibung'a nanu nkitanapat e Papa, nawuenita taatua nchaman enye.

Yoana 17:4

Kaitodolua nkitoo ino to nkop, te nkidipata e siaai likinchoo mataasa.

Yoana 7:18

Kore ilo oiro mbaa enyena, neing'uraki koon rrepeta, kake kore ꞉ilo oing'oru rrepeta naayaki ilo oirriwua, naa loosipat ninye, nemetii sapare atua ninye.

Yoana 8:29

Kore ilo laairriwua naa kaatii tenebo, eitu aaing'uaa aa nanu apeny, amu kaas nkata pooki nenia naiting'id ꞉ninye.>>

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

1 Timoti 1:12

Kaicho Kristo Yeso Laitoriani lang nache tankaraki kaatoduaa ajo kaisiligai, naaicho ngolon naagelaki nkisiaayiare enye.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

Lburania 2:17

Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.