Lburania 2:9 - Samburu

⁹ Kake ikidolita Yeso, oitodowuaki te nkiti kata aaitaa kini taa lmalaikani, etipikaki nkopiyia e sinyaticho o ne nkanyit amu ketumo mion ana metua, paa kore te munyani e Nkai neye anang ltung'ana pooki.

Lburania 2:9 ပူးပေါင်းရင်းမြစ်များ

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

Matayo 6:28

Aanyo sii payie iirranana tankaraki nkichopo? Eng'ura ntapuka e soro neiko tenebulu, nemenyok aasicho, nemepiyaicho.

Marko 9:1

Nejoki ninche, <>

Luka 9:27

Kake kajoki ntae sipata nadede, kore atua kulo tung'ana ooitachoo tene, ketii ltung'ana ooitachoo lemedol lkiye, eitu edol nkitoria e Nkai.>>

Yoana 1:29

Kore mparri naijipita inia, nedol ꞉Yoana Yeso elotuta aipidakino ninye nejo, <

Yoana 10:17

Kaacham nanu ꞉Papa tankaraki naitai nkichui ai, paatum aitoki atang'amai.

Yoana 12:32

Kake kore payie aailiepieki nanu tana kop, nayiataki koon ltung'ana pooki.>>

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 8:51

Kajoki ntae sipata nadede, kore pooki ng'ae oibung rerei lai nemeichamcham aikata lkiye.>>

Yoana 8:52

Nejoki ꞉lolo arikok loo Lyiaudi ninye, <

Asat 2:33

Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

Asat 3:13

Kore Nkai e Abraam o ne Isaka o ne Yakobo, Nkai ee lmakui lang, naa ninye nayanyita laisiaayiani lenye Yeso aas ana. Ele Yeso inchooitie, nianyiyany tekue Pilato abaki etudung'o ajo kelakuni ninye.

Rroman 5:18

Naaku, kore ana natudung'okaki ltung'ana pooki nkiguana torno tankaraki ng'oki nataasa ltung'ani obo, keikenakini sii ltung'ana pooki aajo loosipat netum nkichui, tankaraki nataasa ltung'ani obo asata nabo e sipata.

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

2 Lkorinto 5:15

Ketanang'a ꞉ninye ltung'ana pooki, paa kore lolo oaata nkichui ng'ejuk nemeitoki aawueni eiting'id ate, kake payie ewueni aaiting'id ilo oatanang'a ninche nepiu tankaraki ninche.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

Lburania 1:9

Itachama sipata nimba ntorrok. Naaku naa Nkai, kore tankaraki inia ikitegelua iyie Nkai ino, nikimput ng'ida aitalang lkulie pooki.>>

Lburania 10:5

Kore naa payie elotu Kristo ana kop nejo, <

Lburania 11:5

To nkurukoto eiliepieki Enok aaya eitu eichamcham lkiye, neitu eitokini aadol amu keiliepie ꞉Nkai ninye aya chumata. Naaku kore eitu eiliepieki ninye, keterrepaki aajo keiting'ida Nkai.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Lburania 2:7

Intodoyie ninye taa lmalaikani te nkiti kata, ninchopoki nkopiyia e nkitoo o ne nkanyit,

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Lburania 8:3

Amu kore laitainoni kitok pooki la lasar naa ketegeluaki payie eichooyo nkichoorot o lasarri, naaku keyiere sii paa kore Kristo neata ntoki naichooyo.

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

1 Yoana 2:2

Naa kera ninye lasar loo ng'ok ang, namara nkunanang ake aapeny kake no nkop pooki.

Mbolunoto 19:12

Kore nkonyek enyena, neilu ana nkima nailu, netii nkopiyiani kunini e nkitoo kumo nkue enye. Netii nkarna naigerokino naa ninye ake openy oyielo kipirte enye.

Mbolunoto 5:9

Nerany sinkolio ng'ejuk ejo, <