Lburania 2:4 - Samburu

⁴ Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Lburania 2:4 ပူးပေါင်းရင်းမြစ်များ

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Marko 6:14

Kore tankaraki natining'ie nkarna e Yeso, nejoito lbata loo ltung'ana, <>

Yoana 15:26

<

Yoana 4:48

Nejoki ꞉Yeso, <>

Asat 14:3

Newueni Paulo o Barnabas teinie aajo rra elikoo Lomon Supati te mpijan, eirichakino Laitoriani. Neitodol Laitoriani ninche sipata ajo, kore rerei le munyani enye naa kedede aicho ngolon naasie taa nkaik enche nkitodolunot naaitodolu nkitoo enye o mbaa e nking'asia.

Asat 4:10

enteyielo ntae pooki o ltung'ana le Isirael pooki nchere, ketaase ana ta nkarna e Yeso Kristo le Nasaret litecho ntae neitipiu ꞉Nkai taatua lootuata. Naa ninye oidimie ele tung'ani meitacho tene eichiwua.

Asat 5:32

Kore iyioo o Ltau Sinyati oichoo ꞉Nkai lolo ooibung rerei lenye, naa ikilimu sipata ee kuna baa.>>

Epeso 1:5

Kore te nchaman enye, negelu apake iyioo, neitaa nkera enyena aimu Yeso Kristo. Keiririkino apa inia yieuna enye supat,

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Epeso 4:7

Kake meatae lobo lang leitu eichori munyani e Nkai te nkiririkinoto ana naoriki Kristo pecheu.

Lburania 6:4

Amu meidimai payie echukuni lolo tung'ana meeirriidu, ootumo apa wong'an e Nkai neichamichamita nkichooroto enye naing'uaa chumata, netang'amaitie Ltau Sinyati. Keichamchamita ninche rerei supat le Nkai o ngolon e Nkai e ng'amata nalotu, neitoki aarriaa. Kore teneas nejia, naa keitorno tee ninche, amu inji etuwuana teneigilieki Nkerai e Nkai lmusalaba aache, neitami anyit tekue ltung'ana.