Lburania 2:10 - Samburu

¹⁰ Amu Keiririkino ta Nkai inia naa tankaraki ninye payie etii ntokitin pooki naa te ninye etaa ntokitin pooki, payie eicho Yeso, ilo laa ninye oatang'asua njeunoto enche, meitabai inia nayieu ninye te mion naimayie, nerikoo nkera enyena kumo metang'amu nkitoo enye.

Lburania 2:10 ပူးပေါင်းရင်းမြစ်များ

Luka 13:32

Newoliki ninche ajoki, <

Luka 2:14

<>

Luka 24:26

Amaa, mara meatae ajo meitami Kristo sina, nejing atua nkitoo enye?>>

Luka 24:46

Nejoki ninche, <

Yoana 11:52

Namara ilo ocho apeny, kake payie eitoki ayau aitaa nabo nkera e Nkai naatasachari.

Yoana 19:30

Kore payie eichamcham ꞉Yeso inia aichuo nejo, <> Neirrig nkue enye, neichooyo nkichui enye.

Asat 3:15

Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia.

Asat 5:31

Keiliepie ninye ꞉Nkai metewuenie nkaina enye e tetene metaa Lkitok o Laitejeunoni payie eicho Isirael nkoitiei e nkirridunoto o ne mpalikinoto ee ng'ok.

Rroman 11:36

Amu kore ntokitin pooki naa ninye eing'uaa, naa ninye sii eichiwue naa ninye etiyie ntokitin pooki peetii. Metaa nenye nkisisa ntarasi, aamin!

Rroman 9:23

Ketaasa sii inia payie eitodolu nowua nkitoo enye too lolo ooing'urrieki, lolo ooitibira apake payie etum ꞉ninche inia kitoo.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

1 Lkorinto 8:6

Kake nabo ake Nkai nikiata iyioo, Papa laa ninye eing'uaa ntokitin pooki naaitibiraki, naa ikitii ana kop payie kitum kenya aachom netii ninye. Neatae sii Laitoriani obo Yeso Kristo, laa aimu ninye eitibira Nkai ntokitin pooki naa aimu ninye eatae iyioo.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

2 Lkorinto 5:18

Nkai nataasa ana pooki, aa kore aimu Kristo neitutumoka iyioo koon, neitoki aicho iyioo ana kisiaayiere maitemeleta lkulie o ninye.

2 Lkorinto 6:18

Naaku nanu Papa linchi, niakuku sii ntae nkera ainien, nejia ejo Laitoriani openy ngolon.>>

Lgalatia 3:26

Irara taata pooki nkera e Nkai to nkurukoto taatua Laitejeunoni Yeso.

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Epeso 3:10

Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

Lkolosae 3:4

Kore payie eibalunye kenya Kristo oara nkichui inchi, neitokini sii aaibalunyie ntae tenebo o ninye to wong'an kitok.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Lburania 6:20

inie netijing'a apa Yeso oituruko tekue iyioo ta mpaach ang. Ketaa ninye laitainoni kitok la lasar ntarasi ana neikununo apa Melkisedek.

Lburania 7:26

Naaku taa ninye Laitainoni kitok la lasar likiyieu iyioo, ilo oara sinyati, nemeata nakurrieki, nemeata ntioto, netooroyieki taatua loo ng'ok, neiliepunyie ꞉Nkai ninye aitalang pooki ng'ae o pooki toki.

Lburania 7:28

Kore nayieuni tee nkitanapat e Musa, naa kegeluni ltung'ana metaa laitainok la lasar abaki era ake ltung'ana oaachal, kake kore lekutuk oichorua Nkai tesiedi nkitanapat e Musa, naa ketegelua ꞉ninye Nkerai enye metaa laitainoni la lasar loosipat ntarasi.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Mbolunoto 4:11

<>

Mbolunoto 7:9

Kore aitoki payie eich nenia baa, nadol lturrur kitok, lemeata ltung'ani oidim aikena, eing'uaa nkopi pooki o loreren pooki o lochon pooki o nkutukie pooki naairori, eitachoo tekue lorika le nkitoo o tekue Lkuo leker. Neichopito pooki nkilani naaibor, neibung'uta sura e lcheni oji ltunkai taa nkaik enche.