Lburania 13:7 - Samburu

⁷ Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

Lburania 13:7 ပူးပေါင်းရင်းမြစ်များ

Matayo 24:45

<

Luka 12:42

Nejoki ꞉Laitoriani, <

Luka 5:1

Kore mparri nabo, eiding'akino ꞉lturrur Yeso aainining rerei le Nkai, neitache ninye tabata mpaso e Genesaret,

Luka 8:11

<

Asat 13:46

Kake nejoki ꞉Paulo o Barnabas ninche meata ngureticho, <

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Rroman 10:17

Naaku, kelotu nkurukoto te inia naning'i, naa kore inia naning'i kelotu te likoroto e rerei le Kristo.

1 Lkorinto 10:13

Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

1 Lkorinto 11:1

Entoduaayieki ana payie aduaaya nanu Kristo.

1 Lkorinto 4:16

Naaku kaitanap ntae entoduaayieki,

Lpilipi 3:17

Lalachera o nkanachera ainien, Entoduaayieki nanu pooki, ning'orng'or oleng lolo ooirukurukore nikinkunari iyioo taatua nkichon.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

2 Ltesalonike 3:7

Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae.

2 Ltesalonike 3:9

Mara apa tankaraki mikiata nkidimata niking'amarie reto taa ntae kitaasa inia, kake payie ikintodol ntae nkitanyanyukoto supat niduayaya.

1 Timoti 3:5

Amaa tenemeyielo ltung'ani ataramata nkang enye, kaji eiko tenaramat nkanisa e Nkai?

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.

Lburania 13:24

Eroroki larikok linchi pooki o sinyat le Nkai. Keiroroki sii ntae lolo ooing'uaa nkop e Itali.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 20:4

Naitoki adol lorikan le nkitoo naa kore lolo oowuenita neichooki nkitoria meitoreicho. Nadol aitoki ltauja loo lolo apa ootudung'oki lgoso tankaraki limunoto e Yeso naitaitua o tankaraki rerei le Nkai. Eitu esai ꞉ninche inia ng'ues torno o nkitanyanyukoto enye neitu eng'amaa lminchire lenye too nkomomi tanaa taa nkaik enche. Nepiu ninche, neitoricho tenebo o Kristo larin 1,000.

Mbolunoto 6:9

Kore payie eitai Lkuo leker sarmag e imiet, nadol taabori lperere la lasar ltauja loo lolo pooki oaataraki apa metuata tankaraki rerei le Nkai o sipata naata e Kristo.