Lburania 13:4 - Samburu

⁴ Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

Lburania 13:4 ပူးပေါင်းရင်းမြစ်များ

1 Lkorinto 6:18

Entalam mboita e sesen nemeichiaakino! Kore pooki oas inia neitarruo ꞉inia ng'oki sesen lenye alang nkae ng'oki pooki.

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

1 Lkorinto 7:38

Naaku kore ltung'ani ooyem inia oliontoi natoomonua, naaku ketaasa supat, kake kore ilo otowuana oleng eitu eyemicho, naaku ketaasa supat oleng.

1 Lkorinto 9:5

Amaa, mikiata iyioo lakunoto nikiyemie ntomononi nairuko Kristo, nikirik ninye ana neasita lkulie kipaareta la Laitoriani o lalachera lenyena o Kepa?

2 Lkorinto 5:10

Amu meata ajo mikipuonu pooki tekue lorika oiguanichiere Kristo meiguanareki iyioo, paa kore pooki ng'ae nelaakini ntoki pooki naataasa ewuon apa eata ele sesen, peera supati tanaa ntorrok.

Lgalatia 5:19

Keibala asat e mpukunoto torno e ltung'ani aa kuna, loloito o ntolo o asat e anyit,

Lgalatia 5:21

o nkiba tankaraki naata likae ntoki o merai o lubo o mbaa nainyinyukore nenia. Kajoki ntae, ana apake natiaka ntae tekue, nchere kore lolo oaas nenia baa naa mejung mayian e nkitoria e Nkai.

Epeso 5:5

Enteyielo katukul nchere, meatae hoo ltung'ani ololoito anaa loas nkulie boita e sesen torrok tanaa loas mbaa e anyit tanaa ltung'ani olibo, otum mpaach te nkitoria nara ne Kristo nera ne Nkai. Kore ltung'ani olibo, naa laisiaayiani laa nkaitok e sapare.

1 Ltesalonike 4:6

Naaku kore tana bae, meatae ltung'ani oitarroki nesap lalache tanaa nkanache enye, amu Laitoriani oitalaku nenia pooki ana apake nikitilikita ntae tekue, niking'ode sii ntae aaitaarriyian.

1 Timoti 3:12

Kore laisiaayiani le nkanisa, naa keyiere payie era lpayian oyema ntomononi nabo ake, neramat nkera enyena o nkang enye aitibiraki.

1 Timoti 3:2

Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho,

1 Timoti 3:4

neyiere payie era ltung'ani oidim ataramata nkang enye, neiteng'en nkera enyena to nkoitiei supat, meyanyita nening ninye katukul.

1 Timoti 4:3

Nemitiki ltung'ana eyemicho, neitoki sii aamitiki enya mbata ee ndaki naaitayia Nkai payie eng'amaa ta nache ꞉lolo ooiruk neyielo ndedei.

1 Timoti 5:14

Naaku kayieu payie eigili aayem nkoilia leleru, netum nkera, neramat nkang'ite enche, payie metum ꞉lmang'antita mpaach naitamie ninche anyit.

Tito 1:6

Kore larikoni le nkanisa, naa meata ajo meaku ltung'ani lemeata nakurrieki, nera lpayian le ntomononi nabo ake, neiruko ꞉nkera enyena Laitoriani namara nkera naaichirkal anaa nemening'icho.

Lburania 12:16

Emincho sii etumi ltung'ani oboitiere likae tung'ani te sesen mara nkitok enye anaa lpayian lenye ake, niminchocho etumi ltung'ani oparraa ake mbaa e nkop ana lkikau le Isaka oji Esao oitama apa njung'ore enye ndaa ewuon eichu menye.

Mbolunoto 22:15

Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.