Lburania 12:11 - Samburu

¹¹ Kore nkata pooki naitemei iyioo, naa keme inia kata kake kore tesiedi neyau inia sotua oipida o Nkai oti seriani too lolo ooitemioki.

Lburania 12:11 ပူးပေါင်းရင်းမြစ်များ

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 12:10

Keitubulutua iyioo te nkini kata dorrop ana nadol ninche aajo keisupat, kake kore Nkai naa keitubuluta iyioo payie kitum inia nara supat aa taa sinyaticho enye.

Lburania 5:14

Kake kore ndaa nagol naa noo ltung'ana botoro ootomoo eiteng'en ate aatoor ndedei o sapare.

1 Petero 1:6

Naa enting'idata te inia oleng, oo duo abaki aa meata ajo misinanionio tankaraki ntemat kumo niimaa te nkiti kata.

2 Petero 2:14

Ntomononi naasie loloito ake eyieita ninche nkata pooki nemeitirring'a eitu eas ng'oki. Kerruach ꞉ninche lolo oaachal metaasa ng'oki, netatakanikita ltauja lenche lubo. Naa kore tankaraki ana kediaa ninche.