Lburania 11:4 - Samburu

⁴ To nkurukoto eitaka ꞉Abel Nkai lasar supat olang le Kain. Naa tankaraki naata nkurukoto payie eikena ꞉Nkai ninye ajo loosipat, netachamayie lasar loo nkichoorot enyena. Naa kore abaki etua Abel, ewuon ake eirorita to nkurukoto.

Lburania 11:4 ပူးပေါင်းရင်းမြစ်များ

Matayo 23:35

Kore tankaraki inia, keikenakini ntae lodo loo lolo oopeny sipat oibukoyieki to nkop, ang'asu lodo le ilo oji Abel metabaki lodo le Sakaria, layieni le Barakia ilo litara terichet nkaji e Nkai o lperere la lasar.

Luka 11:51

ang'asunyie lodo le Abel ana metabaki le Sakaria, oataraki terichet lperere la lasar o nkaji e Nkai. Ee, naa kajoki ntae keipari ana towuo.

Tito 1:16

Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.

Lburania 11:2

Naa tankaraki apa naata lmakui lang nkurukoto payie eterrepa ꞉Nkai ninche.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Lburania 12:24

o netii Yeso oara laitutumoni le Nkai o ltung'ana te lning'o ng'ejuk o netii ilo odo oitukoo ng'ok neiro mbaa supati alang lodo le Abel oyieu neitalakicho Nkai to ngoro.

Lburania 5:1

Kore laitainoni kitok pooki la lasar naa taatua ltung'ana ake ootuwuana ninye egeluni, payie etum aitacheki ninche taa mbaa e Nkai, neichooyo nkichoorot o lasar le mpalikinoto ee ng'ok.

Lburania 9:22

Kore apa tee nkitanapat e Nkai, nkuni tokitin ake meitisinyi to lodo, naa kore eitu eibukori lodo naa meatae mpalikinoto ee ng'ok.

2 Petero 2:8

Ketowuana ninye taatua ninche era loosipat, neitemeito ꞉mbaa e anyit ltau naadolita nening'ito easita ninche mparri o mparri.

Yuda 1:11

Oi siake ninche! Amu keima nkoitiei e Kain, netapalikita ate ntorno e Balam, aa inia torno taa e lubo nayieu payie elaki. Netanya ꞉ninche Kristo, neidakieki tana neikunaki Kora payie eany Musa.