Lburania 11:14 - Samburu

¹⁴ Kore lolo oojo kuna baa naa keitodolu nchere keyieita nkop nara nenche.

Lburania 11:14 ပူးပေါင်းရင်းမြစ်များ

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

Lpilipi 1:23

Kadututa mbaa are, kayieu katukul payie aing'uaa ana kichon naaku tenebo o Kristo, naa inia supat oleng ta nanu,

Lburania 11:13

Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Lburania 11:15

Tanaa keparraa apa inia kop natung'aitie, anata apa etumo mpaach nachukore.

Lburania 11:16

Kake keng'uarrita apa ninche nkang e chumata nara nkop supat alang inia. Naaku menya ꞉Nkai anyit teneipoti aajo Nkai enche amu keitibiraka ninche nkang te chumata.

Lburania 13:14

amu mikiata tene lkerenket obik, kake iking'oruta inia ang nalotu.